Балалар белән тәрбияче бүген көзге табигать турында әңгәмә үткәрде.Агачлар саргайды,бакчалардан яшелчәләр җыеп алынды.Балаларның күзәтүчәнлеге тәрбияләнә,табигатьне ярату хисе барлыкка килә.

Тәрбияче зурлар төркеменә йөрүче Хафизова Рәзилә белән саннар белән танышуны дәвам иттеләр.Рәзилә саннарны таный.Предметларны санап,аларга туры килгән саннарны куеп чыкты.Баланың фикерләү сәләте бик яхшы.Дөрес итеп саный белә.

"Көзге табигатнең матурлыгын күреп калырга кирәк"- дип бүген балалар белән агачларны күзәттергә чыктык.Чаган агачы бигрәк матур!Яфраклар сары,кызылсары,кызыл төсләргә манылган.Балалар яфракларның матурракларын җыярга тырыштылар.

Һава торышы үзенең җылы,кояшлы көннәрен мулдан бирә.Бүген дә тышта җылы.Балалар белән урманга бардык.Көзге урманда бөҗәкләр дә кышкы йокыга әзерләнә торганнардыр.Кырмыска оясына тап булдык.Аларныңмәш килеп  эшләгәннәрен күзәтеп тордык.

Балалар белән мозайка белән төрле фигуралар ясарга өйрәндек.Мондый төрдәге шөгыльләр балаларның кул чукларын ныгыта,фикерләү сәләтен яхшырта.

Безнең бакчада бик матур табигать почмагы бар.Тәрбияче балалар белән табигать почмагына кунакка керделәр.Зурлар төркеменә йөрүче Рәзилә белән атна көннәре турында сөйләштеләр.Атна көннәрен хәтерләрендә калдырыга тырыштылар.

Балалар белән табигать кочагында булдык.Көн шундый матур!Кояш нурларын сибә.Мондый көндә бүлмәдә утырасы да килми.Балалар белән агачларны күзәттек.Инде көз табигатькә үз буяуларын сөртә башлаган.Чаган агачының яфраклары бигрәк матур булуына игътибар иттек.Яфракларны җыеп та алып кердек.

Балалар белән туплар белән күнегүләр эшләргә өйрәндек.Зурлар төркемендәге Хафизова Рәзилә тупны сикертергә өйрәнде.Балаларның физик яктан нык булуына ирешелде.

Бүген тәрбияче икенче кечкенәләр төркеменә йөрүче Шакиржанова Айгөл белән сөйләм телен үстерү өстендә эш алып барды.Айгөл белән кечкенә шигырь кабатладылар.Бала сүзләрне дөрес,ачык итеп әйтергә тырыша.Сөйләм теле баетыла,хәтере ныгытыла.

Бала сәламәт һәм физик яктан нык булсын өчен күп вакытны саф һавада үткәрергә кирәк.Балалар бакчасында уен мәйданчыгында моның өчен барлык мөмкинлекләр дә бар.