Бүген безнең балалар бакчасында "Көзге бал" бәйрәме үтте.Бәйрәмгә балалар шигырьләр ятладылар,көз турында җырлар,биюләр өйрәнделәр.Бәйрәмдә тәрбияче балалардан бакчадан җыеп алган яшелчәләрне белүләрен тикшерде.Табышмаклар 

әйтте.Көз кызы төрле сынаулар,уеннар аша көзге муллык турында белемнәрен тикшерде.

Бүген балалар белән көзне озату бәйрәменә әзерлек эшләре башкардык.Бик матур итеп көзге фотозона ясап куйдык.Балаларда зәвыкълылык,табигатьне ярату хисе тәрбияләнә.Көзге табигатьнең матурлыгына соклану,табигатьне саклау тәрбияләнә.

Безнең балалар татар халык уеннарын уйнарга бик ярата.Шул уеннарның берсе "Почмак алышлы".Балалар зирәклеккә,җитезлеккә өйрәнәләр.Татар халык уеннарына мәхәббәт хисе тәрбияләнә.

Бүген тәрбияче балалар белән төрле фигуралар турында сөйләште.Балалар фигуралардан пирамидалар,йортлар төзеп булуын белделәр.Соңыннан алар шушы фигуралардан төрле корылмалар ясадыларТәрбияче  төзүче һөнәре белән таныштырды.Бу һөнәрнең бик тә кирәкле булуын аңлатты.

Балалар бакчасында антитерраризм буенча даими рәвештә аңлату эшләре алып барыла.Балаларны куркыныч хәлләр булганда үз-үзләрен ничек тотарга кирәклеген аңлаттык.

Балалар белән әдәплелек темасына әңгәмә булды.Әдәплелек тәрбияләнә,бер-берсе белән яхшы мөгамәлә тәрбияләнә.

Бүген балалар белән кисеп ябыштыру дәресендә  "Безнең яраткан аю" темасына  аппликация ясадылар.Балалар сызык  буенча түгәрәкне  кисәргә өйрәнделәр.Кайчы,клей белән эшләү кагыйдәләренә өйрәнделәр.

Балалар белән тәрбияче сынлы сәнгать дәресләрендә төсләр дөньясы турында сөйләштеләр.

Тәрбияче балаларга куркынычсызлык кагыйдәләрен сөйләп аңлатты.

Тәрбияче балалар белән рус телендә сөйләм үстерү өстендә эшләде."Три поросенка" әкиятен сөйләделәр.Балаларның сөйләм теле баетыла,хайваннар тормышы белән якыннан танышалар.