Балалар белән тәрбияче Зилә Гәрәйхан кызы фигураларны аерырга өйрәтте.Шакмак,өчпочмак,түгәрәкне фигуралар белән күрсәтеп әйтә бардылар.Анна практик эш үткәрелде.Балаларга тәрбияче фигураларны әйтеп барды,алар өстәлгә тезеп бардылар.

Балалар белән тәрбияче көн саен төрледән-төрле уеннар өйрәнәләр.Буген "Очты, очты" уены белән таныштылар.Уен барышында балалар  кош исемнәре белән танышалар.Кошларның исемнәрен истә калдырырга тырышалар.Балаларда уен барышында игътибарлылык,дуслык,бердәмлек тәрбияләнә.

Бүген тәрбияче балалар белән сөйләм телен үстерү өстендә эшләде.Балалар белән "Теремкәй" әкиятендәге персонажларны әйтеп чыктылар.Зурлар төркеме группасына йөрүче Хафизова Рәзилә бик матур итеп әкиятне сөйләп чыкты.Максат:балаларның сөйләм теле үстерелә,уңай һәм тискәре персонажларга карата мөнәсәбәт тәрбияләнә.

Безнең бакчада балалар белән саф һавада төрле уеннар үткәрелә.Тәрбияче балаларның сәламәт,физик яктан нык булуларына игътибарлы.

Балалар белән төрле кызыклы дәресләр үткәрелә.Бүген пластилин белән әвәләп эшләделәр.Бу эш вак моториканы үстерә.Максат:пластилин белән эшләү күнекмәләрен формалаштыру;әвәләп ясауга кызыксыну уяту;бармакларның хәрәкәтчәнлеген ,вак моториканы,фантазияны үстерү.

Бүген барлык мәктәпләрдә,уку йортларында белем көнен билгеләп үтәләр.Барыбызны да яңа уку елы белән котлыйбыз!Илләребез тыныч,күк йөзе аяз,балаларыбыз сау-сәламәт булсыннар!

Балалар белән шарлар кабарттык.Сулыш юлларына күнегү булды.Балалар шарларның төсләрен татар,рус телләрендә әйттеләр.Шигырь ятладылар.Сүз байлыгы ныгытылды.

Балалар белән бакчага чәчәкләр күчереп утырттык.Чәчәк утырту өчен түтәлне ничек  әзерләргә кирәклеген балаларга аңлаттык.Аннан соң бергәләшеп түтәлгә күчереп утырттык.Хезмәтне ярату,пөхтәлек сыйфатлары тәрбияләнә.

Балалар белән табигатьтә агачларны күзәттек.Чәчәк аткан агачларның исемнәрен әйттеләр,танырга өйрәнделәр.Шомырт,алмагач агачларының исләре бигрәк хуш исле икәнен белделәр.Агачлардан хуш исләр аңкып торуына  сокландылар.

Җәйнең беренче көнендә ел саен балаларны яклау көне билгеләп үтелә.Безнең балаларыбыз дөньяны ямьләндерүче,шатлык ,сөенеч тудыручылар.Балалар сау-сәламәт бәхетле булсыннар!Илләребез тыныч,күк йөзе аяз булсын!