"Нюренберг процессына -70 ел"га багышлап рәсем конкурсы үткәрелде.Әлеге чарада укучылар бик теләп катнаштылар,конкурска нәтиҗәләр бу атнада ясалачак.

7нче сыйныф укучысы Каюмов Нияз Зәй районында үткән көрәштә катнашып 2нче урынны алып кайтты. Нияз,молодец!

Бүген районда укытучылар спартакиадасы башланды. Шахмат ярышында Галимуллин Илгизәр Шамил улы 1нче урынны алды. 

Безнең мәктәп укучылары ел саен "Дулкыннар" конкурсына бик теләп катнашалар. Быел әлеге конкурс татар шагыйрәсе Клара Булатова иҗатына багышланды. Конкурс нәтиҗәләре: Вокал номинациясендә Гасимуллина Әдилә (җит.ВалиеваЭ.М.), Закирова Ләйлә (җит.ГаяноваВ.Н.), Нәфис сүз номинациясендә Закирова Ләйлә һәм Валиева Алсу (җит.ШиһабиеваФ.Ә.) 2нче урынга,рәсем номинациясендә Мөхәммәтҗанов Рәис(җит.ХабибрахмановаГ.Ш.) 3нче урынны, Салихова Гүзәл (җит.ВалиеваЭ.М.) 3нче урынны яулады. Уңышларыгыз белән тәбрик итәбез!!!

Олы Арташ төп гомумбелем бирү мәктәбенең тарих укытучысы Хасанов М.М. укучылар өчен бердәм дәрес үткәрде. Әлеге дәрес Нюрнбергтагы Халыкара хәрби трибуналның 70 еллыгы истәлегенә багышланган иде. Укучыларга бу вакыйга турында фильм да күрсәтелде.

Мәктәбебездә "Нюрнберг судына - 70 ел"га багышлап чаралар үткәрелә башлады. Китапханәче Дәүләтшина Ләйлә Вагыйз кызы китап күргәзмәсе оештырды. Без - бәхетле буын. Чөнки безгә сугыш дигән явызлыкны күрергә туры килмәде һәм килмәсен дә. Шуңа да без бәхетле! Ләкин без сугышның нинди яман чир икәнлеген белергә, аны тудырырга тырышучыларга киртә булырга тиешбез. Фашизм алып килгән бәхетсезлекләрне, кайгы - хәсрәтләрне тарих битләреннән, әдипләребез язып калдырган әсәрләрдән укып төшенергә, әби-бабаларыбызның дошманга каршы көрәштә күрсәткән данын сакларга, ничә йөз еллар үтсә дә, Кеше - Син һәм Мин,җир йөзенә яшәү өчен туган башка кешеләргә карата намуслы, олы йөрәкле, кече күңелле булып калырга тиешбез. Фашизм дигән яман чир үз артыннан бер дистә елга җитәрлек кенә газаплар калдырмады, шуңа күрә дә безнең ул алып бәхетсезлекләрне, кайгы –хәсрәтләрне, күз яшләрен, вакытсыз өзелгән гомерләрне, яндырылган авыл-шәһәрләрне, исәпсез-сансыз башка газапларны онытырга хакыбыз юк!

Хөрмәтле Фирая Әхмәтхан кызы!

Сезне аклыкка, сафлыкка төренгән кыш аена туры килгән

Туган көнегез белән ихлас котлыйбыз һәм иң матур теләкләребезне

җиткерәбез. Сезгә нык сәламәтлек, гаилә бәхете, мул тормыш телибез.

Иртә таңда чыккан кояш

Көн дә сиңа бәхет китерсен.

Матур булсын синең тормыш юлың,

Кайгы җиле бер дә төшмәсен.

Юбилееңда изге, матур хисләр

Күңелеңдә калсын уелып.

Тәбриклибез чын күңелдән

Барыбыз да бергә кушылып.

Каникуллар кызыклы һәм файдалы үтә. Укучылар чана,чаңгы шуалар,спорт ярышларында катнашалар. Шул ук вакытта, имтиханнарга да әзерләнәләр. 9нчы сыйныф укучылары өчен,имтиханга әзерлек максатыннан, консультацияләр үткәрелә. Бүген сайлап алу имтиханы тапшырачаклар. Аларга уңышлар теләп калабыз.