Татарстан мәктәпләрендә башлангыч сыйныф укучылары

өчен "Укучының мәдәни көндәлеге"проекты старт алды.

Шул уңайдан, укучылар Татарстанның культурасы турында эчтәлекле

дәрес-презентация карадылар. Китапханәче Алия Хәбибрахманова

"Үз тарихын белгән-югалмас"темасына китап күргәзмәсе

оештырды. Башлангыч сыйныф укытучылары укучыларны

көндәлекнең эчтәлеге,аны тутыру кагыйдәләре белән таныштырдылар.

Мәктәптә олимпиада дәвам итә. Укучылар соңгы көннәрдә "Татар теле һәм әдәбияты" фәннәреннән олимпиада эшләделәр.

Мәктәбебездә "Сөмбелә"бәйрәме үткәрелде. Бәйрәмгә Клоун һәм Көз кызының килүе ямь өстенә ямь өстәде. Һәр сыйныф  бер яшелчәне яклап  уйнады. Соңыннан урыннар бирелде.

14нче октябрь көнне мәктәптә ГИБДД хезмәткәрләре катнашында "Юлда булсаң,бул өлгер,юл кагыйдәләрен бел!"дигән темага чара үткәрелде. Укучылар "Юл билгеләре буенча сәяхәт кылдылар" Соңыннан укучылар белән әңгәмә үткәрелде,аларга истәлекле бүләкләр тапшырылды.

6нчы сыйныфта укучы Мөхәммәтҗанов Рәис яхшы билгеләренә генә укый һәм бик яратып "Бадминтон" түгәрәгенә йөри. Бик күп ярышларда катнашып, призлы урыннар ала. Пермь шәһәрендә үткәрелгән ярышта ике призлы урын алды һәм акчалата премия белән бүләкләнде. Рәис,синең тагын да зур уңышларга ирешүеңне телибез.

10нчы октябрь көнне район күләмендә үткәрелгән

шашка ярышында безнең мәктәп командасы 1нче

урынны яулады. Аларны зур җиңүләре белән тәбриклибез.

9нчы октябрь көнне район күләмендә ШАХМАТ ярышы үткәрелде. Безнең мәктәп командасы 2нче урынны алды һәм акчалата премия белән бүләкләнде. МОЛОДЦЫ!!!

Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.

Мәктәбебездә "Миләш","Балан"операциясе бара. Барлык класс укучылары да бик теләп катнаша.