Бу атнада балалар белән көньяк һәм төньяк илләре, андагы яшәүче халыклар, хайваннар, үсемлекләр белән таныштык. Төньякта яшәүче хайваннарның нигә салкыннан курыкмаганнарын, аларның нәрсә белән туклануларын, җылы якта үсүче ананасның җирдә үсүен һ.б. кызыклы яңалыклар белән таныштылар. Иҗади сәнгать-рәсем эшчәнлеге вакытында пингвин, ә кечкенәләр бозлыклар ясадылар. 

Бу атнада балалар белән   танып белү эшчәнлегендә ут чыгу куркынычы булган әйберләр белән сак булырга, янгын чыгу очракларында үз-үзеңне тоту күнекмәләрен искә төшердек . Балалар белән  "Телефон номеры буенча тап" дигән дидактик уен  уйнадык. 

"Юлларда иминлек кирәк" атналыгын йомгаклап балалар белән  "Имин юллар" дип, исемләнгән викторина уздырдык. Балалар атна буе өйрәнгәннәре буенча ике командага бүленеп ярыштылар. Төрле сорауларга, табышмакларга, юл билгеләрен аерып алырга,  җаваплар табарга тырыштылар.

Командалар бергәләшеп  "Хезмәт күрсәтүче" билгеләрен эзлиләр.

Балалар кәгазьне икегә бөкләп почмакларын кисү ысулы белән транспорт төрләрен кисеп ябыштырдылар , ә кечкенәләр белән әзер киселгән  автобусларны,  җиңел машиналарны юлга урнаштырдык. 

Бу атнада балалар белән  "Юлларда иминлек кирәк " темасы буенча сөйләштек. Балаларның юл йөрү кагыйдәләре турында фикерләү сәләтен, игътибарны  үстерү, юлларда сак булырга,  җәмәгать транспортында, торак зоналарында  үз-үзеңне тоту кагыйдәләрен, транспорт төрләрен (су, коры җир, һава, тимер юл), юл билгеләрен ("Тыючы", Мәгълүмат ", Кисәтүче", "Боеручы", "Хезмәт күрсәтүче" ) билгеләрен аерырга,  мәкальләр, табышмаклар, шигырьләр өйрәндек.

Бүген Энҗенең туган көне. Аңа бүген 4 яшь тулды.

                   Энҗе!

Бүгенгедәй сөйкемле бул;

Бүгенгедәй бәхетле бул!

Җәй гөлләре үскәндә дә,

Яз яфраклар ярганда да,

Көз җилләре искәндә дә,

Җиргә карлар яуганда да!

Иң изге теләкләр белән апаларың һәм дусларың.