Р. Вәлиева  "Туган авылым".

Туган илем басу, кырлар,

Урманнар, яшел юллар.

Инешләрем, чишмәләрем.

Туганнарым, якын дуслар.

"Минем илем-минем өем" атналыгын йомгаклау итеп  балалар белән күмәк эш  кисеп ябыштыру эше башкардык. Балалар үзләренең өйләрен дуслары белән берлектә кәгазьгә ябыштырдылар. Бик матур композиция килеп чыкты.  

Рус теле эшчәнлегендә уен ярдәмендә  балалар белән йорт хайваннарын һәм кыргый җәнлекләрне аерырга өйрәнәбез.

Балалар белән үзебезнең туган авылыбыз, районыбыз турында бик күп сөйләшүләр булды. Балалар балән Саба районының кайбер үзебезгә таныш булган биналарны карточкалар ярдәмендә карап уздык.

"Минем авылым- минем илем"  атналыгы башланып китте. Балаларда туган авылга карата ярату хисләре тәрбияләү , район, авыл, республика исемнәрен әйтергә өйрәтү;  авылның төп объектлары турындагы күзаллауларын үстерү бурычлары куелды. Балалар төзү эшчәнлеге вакытында кәгазьдән йортлар ясадылар.

"Йорт хайваннары"  атналыгын йомгаклап балалар үзләренең яраткан хайваннарын ясадылар. 

Авылыбызның имам-хатибы Мансур ага бик матур,аңлаешлы итеп нәниләргә вәгазьләр сөйләде. Ул укыган вәгазьләр балаларның күңеленә кереп калсын иде. Әйтелгән барлык яхшы сүзләр киләчәктә балаларның тәрбияле, тәртипле, әти-әниләренә олы терәк булып үсүләренә йогынты ясар , дип өметләнәбез. Әти-әниләр  һәм барчабыз исеменнән Мансур агага зур рәхмәтебезне белдерәбез.

Бүген "Көз күчтәнәчләре" атналыгын йомгаклап бакчабызда "Сөмбелә" бәйрәме булып узды. 

Зифа буйлы, җитен чәчле

Зәңгәр күзле шушы кызның

Исемнәре ничек икән?

Әйтегезче, кем белә?

Әлбәттә Сөмбелә, -дип җавап кайтарды балалар.

Зөлфирәнең бүген туган көне. Аңа 6 яшь тулды. Балалар үзләренең яраткан җырларын "Ак калачны" җырлап, ана матур теләкләр теләделәр.

              Зөлфирә!

Туган көндә матур теләк

Булсын әле үзеңә.

Күктә кояш балкып торсын

Нурлар сибеп йөзеңә.