Җыелып җепшек кардан

Кар бабай ясап куйдык.

Матурлап аны үзен,

Шарф хәттә урадык.

Балалар карны сагынып көткәннәр,  хәттә кар бабай әвәләргә булдылар.

Кар , кар, кар ява,

Бураннарны туздыра

Кулларга төшеп эри

Үзе бик тә туңдыра.

Рәсем эшчәнлегендә зурлар кар бөртекләре ясадылар, ә кечкенәләр вак-вак кар яудырдылар.

Туган ягыбызга кыш  көттереп кенә килсә дә без  "Ак ефәкәй кыш килде" атналыгын башлап җибәрдек.

Максат: Кышкы, кар үзенчәлекләре турында балаларның белемнәрен тирәнәйтү; табигатьтә ел фасыллары буенча барган үзгәрешләр турында белемнәрне системалаштыру; кышкы табигатькә хас билгеләр турындагы белемнәрне ныгыту;  җәнлекләрнең, кошларның кышка ничек җайлашуы турындагы белемнәрен арттыру.

Һәм дә без балалар белән "Танып белү"- кул эше эшчәнлегендә календарь ясадык. 

 Кадерле әниләр! Сезне үзегезгә генә хас  бәйрәмегез белән тәбрик итәбез!

Сез – безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар. Бердәнбер, иң кадерле, иң хөрмәтле, иң якын кешеләребез - Әниләр!  Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк.

Матур булсын, котлы булсын бәйрәмегез!

Иң изге теләкләр белән "Миләшкәй" балалар бакчасы коллективы.

Исәнмесез, кадерле әниләребез! Бүген бик зур бәйрәм! Бүген – Әниләр көне! Шушы матур бәйрәмдә сезгә иң матур теләкләрне генә әйтәсебез килә! Һәрвакыт кояш кебек көләч йөзле, шат күңелле, сәламәт булыгыз, безнең кадерле әниләребез!-дип башланып китте безнең "Әнием,кадерлем" , -дип исемләнгән кичәбез.

Әнием, әнием, бик тә аякларым авырта, сызлый,иии, нишлим инде хәзер(елый).

Әни бүген бик сөенгән

Елмаеп, дәшеп тора.

Бит алмалары кызарып

Нурлары чәчеп тора.

Әниемнең шат булуын

Елмаюын көтәм мин

Бәхет теләп , шатлык теләп

Аны тәбрик итәм мин.

Кочаклап, үбеп.

Ясаган бүләгемне биреп.

Матур булсын, котлы булсын бәйрәмегез, кадерле әниләр!

Ана! Бөек исем!

Нәрсә җитә ана булуга!

Хатын- кызның бөтен матурлыгы,

Бөтен күрке- Ана булуда.

Атналык "Минем гаиләм, өем, йорт җиһазлары. Әниләр көне" белән башланып китте. Балалар атна дәвамында йорт җиһазларын гомумиләштерергә, гаиләгә мәхәббәт, ярату, йорт җиһазларына сакчыл караш тәрбияләү өстендә эш алып барылды.

Кечкенәләр үзләренең нәни куллары белән әниләренә бүләктә ясадылар.