Мәктәбебезнең 8 нче сыйныф укучысы Хуснуллин Илзат Әлмәт шәһәрендә уздырылган судомоделирование бәйгесендә катнашып ике номинация буенча 1 урын алып кайтты. Җитәкчесе - Мөхетдинов Фәнзир Якубович. Алга таба да аларга зур җиңүләр теләп калабыз!

Ә.А.Ахунҗанов исемендәге Олы Шыңар урта гомумбелем бирү мәктәбен тәмамлап, бүгенгесе көндә Казан федераль университетында белем алучы Мөхәммәтова Айсылу Марат кызы 10-11 нче сыйныф укучылары белән очрашуга килде. Уку йорты турында видеоролик күрсәтте, укырга керү шартлары белән таныштырды, студент тормышы турында сөйләде. 

Бүген Бикбаева  Миләүшә Нуретдиновна  1 нче сыйныфка белем алырга киләчәк укучылар белән әзерлек эшен башлап җибәрде. Балалар мәктәп белән таныштылар, төрле биремнәр эшләделәр. 

900 көн һәм төнгә сузылган блокада вакытында дошман шәһәргә 150 мең снаряд, 102 мең яндыргыч бомба һәм 5 мең чамасы фугас – зур җимергеч көчкә ия бомба ташлый. Блокада чорында шәһәр 1 млн чамасы югалтуларга дучар була, күп кеше ачтан үлә. Халык ополчениесе һәм регуляр гаскәрләр, шәһәрнең оборона комитеты җитәкчелегендә, дошманга каршы оешкан төстә көрәшә. 1941 елның 22 ноябрендә Ладога күле бозы аша Ленинградка ярдәм килә. Боз өстеннән үткән әлеге юл «Тормыш юлы» дип атала.
Шул уңайдан бүген мәктәбебездә сыйныф сәгатьләре үткәрелде. Тарих укытучысы Гарипов Айдар Моталлапович укучыларның әлеге вакыйга турында мәгълүматларын тагын да киңәйтте. Районыбыздан да Ленинград блокадасында бик күп кеше катнашкан, күпләре яу кырында ятып калган. Изге җиребезне илбасарлардан саклап калган, аның иминлеге өчен гомерләрен дә кызганмаган каһарманнар рухлары алдында хөрмәт белән баш иябез, күңелләрдә истәлекләрен яңартабыз.

Бүген физика укытучысы Ә.С.Нурисламов  7-8 сыйныф укучылары өчен "Мавыктыргыч физика кичәсе" үткәрде. Укучылар "Напряжение" һәм "Атом" командаларына бүленеп көч сынаштылар. Төрле сорауларга җаваплар эзләделәр, биремнәр үтәделәр. Нәтиҗәдә эз генә өстенлек белән "Напряжение" командасы җиңеп чыкты. 

Мәктәбебездә атналыклар дәвам итә. Бүген "Физика һәм информатика атналыгы" башланып китте. Укучылар газетлар, кроссвордлар, рефератлар әзерләделәр. Атна дәвамында кызыклы чараларда катнашырга әзерләнәләр.

Мәктәбебездә математика атналыгы дәвам итә. Бүген Х.Г. Гаптерафиков 5 сыйныфларда "Саннар дөньясында" исемле ачык чара үткәрде.

6 сыйныф укучылары ике командага бүленеп  үзләренең белемнәрен "Математик КВН"да сынап карадылар. Нәтиҗәдә "Эйнштейны 21 века" командасы җиңеп чыкты. Укытучылары: Гараева З.М.

Бүген мәктәбебездә 10-11 сыйныфлар катнашында математика атналыгы уңаеннан "Математик марафон" бәйгесе уздырылды. Бәйгедә 10 нчы сыйныф укучылары җиңеп чыкты. Үткәрүче - Ахметов А.Р.