Бүген уртанчылар төркеме балалары тәрбияче Гөлгенә Тәлгатовна белән берлектә «Безнең куркынычсызлыгың безнең кулларда” исеме астында танып белү эшчәнлеге үткәрде . Эшчәнлек барышында балалар юл йөрү кагыйдәләрен искә төшерделәр, светофорның ни өчен кирәк булуы, аның өч төсе нәрсәне аңлатуы турында фикер алыштылар. “Без нәни шоферлар” уены аша белемнәрен ныгыттылар.

Без беренче кечкенәләр төркеме балалары белән сюжетлы -рольле уеннар уйнарга яратабыз. Бу атна "Гаилә" темасына багышланган уңайдан, балалар белән төркемдә гаиләдә кичке чәй эчү күренешен уйнадык.Һәрбер бала үз ролен оста итеп башкарды, кунак булып килгән апаларын  чәй белән сыйладылар.

Балаларны саф һавага алып чыккач хәрәкәт активлыгын үстерү буенча күп кырлы эш алып барыла. Хәрәкәтле, спорт уеннары, ярышлар, эстафеталар үткәрелә. Икенче кечкенәләр төркеме балалары белән Нурания Әюповна "Капкага тупны керт", "Самолетлар", "Ябалак һәм кошлар" уеннарын уйнатты.. Уеннар барышында балалар тупны төз атуда, җитезлектә көч сынаштылар, игътибарлылык, сигнал буенча хәрәкәт итү күнекмәләре ныгытылды.

Балаларда якыннарына, әти-әниләренә карата кайгыртучанлык, игътибарлылык сыйфатлары тәрбияләү; проблемалы сораулар аша яхшылык, шәфкатьлелек, дуслык турында күзаллау бирү; балаларның көнкүрешкә, җәмгыятькә кагылышлы сүзләр исәбенә сөйләмнәрен үстерү; матур әдәбият аша балаларның сөйләмендә ягымлы сүзләр куллануларына ирешү; бер-береңә игътибарлылык, ярдәмләшү, дуслык, үзара хөрмәт хисләре тәрбияләү максатыннан 31 октябрь - 4 ноябрь көннәрендә "Яхшы сүз - җан азыгы" атналыгы үткәрелде. Йомгаклау чарасы итеп зурлар, мәктәпкә әзерлек төркеме балалары белән “Тылсымлы сүзләр - безнең тугры дусларыбыз” әдәби - музыкаль иртә үткәрелде.

Мәктәпкәчә белем бирү оешмаларында төзү эшчәнлегенә зур игътибар бирелә. Төзү эшчәнлегенең төп максаты: балаларны геометрик формалар белән танышалару, алар ярдәмендә төрле конструкцияләр төзергә өйрәтү, вак моториканы, уйлау, фикерләү сәләтен, сүзлек байлыгын арттыру, сөйләм телен үстерү, камилләштерү. Нәниләр, беренче кечкенәләр төркеме балалары тәрбияче апалары төзеп күрсәткәнне тиз отып алалар һәм үзләре дә тырышып өй, манара, йорт җиһазларын төзеп уйныйлар.

27 октябрь көнне бакчабызда район күләм яшь мөдирләр семинары булып узды. Семинарның көн тәртибенә мөдирләрне эш тәртибе, документларны тәртипләп алып бару, мәктәпкәчә белем бирү оешмаларында тәрбия һәм белем бирү өлкәсендәге эшчәнлекне оештыру сорулары куелды. Мәктәпкә әзерлек төркеме балалары кунакларны музыкаль сәламләү белән каршыладылар һәм хәерле эш көннәре теләделәр. Мөдир Исрафилова М.К. "Шатлык" балалар бакчасының эшчәнлеге, тарихы белән таныштырды.Семинарның эше беренче кечкенәләр төркемендә танып белү, сөйләм телен үстерү, иҗади-сәнгать өлкәләрен интегральләштереп бердәм белем бирү, мәктәпкә әзерлек төркемендә танып белү эшчәнлекләрен күзәтү белән дәвам итте. Галиакбарова А.Ф. диңгез ташларына рәсем төшерү буенча мастер-класс күрсәтте. Исрафилова Миләүшә Корбангалиевна мөдирләрнең эш доукментларын алып бару тәртибе белән тирәнтен таныштырды. Мөдирләр мәктәпкәчә тәрбия һәм белем бирү оешмаларныда нәтиҗәле эшчәнлекне оештыру буенча үзара фикер алыштылар. Семинарны йомгаклап Саба районы мәгариф бүлегенең әйдәп баручы белгече Гумерова Луиза Мажитовна чыгыш ясады.

Беренче кечкенәләр төркеме балалары интегральләштерелгән эшчәнлек вакытында кояшның югалган нурларын Әтәчкә табарга ярдәм иттелләр. Эшчәнлек барышында төрле биремнәрне чишу аша уенчыкларның төсен, формасын, күләмен дөрес итеп әйтү; күп, бер төшенчәләрен тиешенчә күллану; вак кул чуклары эшчәнлеген камилләштерү; сүз байлыгын арттыру өстендә эш алып барылды.