Изге Рамазан аенда мәчеткә бару да үзе бәхет. Шул сәбәпле Сабаның “Җәмигъ” мәчетенә зурлар һәм мәктәпкә әзерлек төркеме балалары белән кунакка бардык. Рөстәм хәзрәт балаларга ислам дине турында бик кызыклы итеп сөйләде һәм бергәләп безнең арадан киткән Шарифуллин Раяз Сәйдәш улы рухына дога укылды. Авыр туфрагын жинел булсын, аллахы тэгалэ иман байлыгы бирсен сина Раяз! Якыннарына сабырлык телибез! Бугенге экскурсия балаларга бик күп рухи байлык,үгет-нәсихәт бирде.

Уважаемые родители!
Прием документов на переоформление права получения дополнительной компенсации будет производиться в Вашем детском саду
МДОУ "Сабинский детский сад №1 "Шатлык" Сабинского района
11 июля 2016 года c 16 до 18 часов
8 августа 2016 года c 16 до 18 часов
8 сентября 2016 года c 16 до 18 часов
При обращении необходимо предоставить:
-    документ, удостоверяющий личность;
-    договор об устройстве ребенка в соответствующую образовательную организацию;
-    документы о доходах всех членов семьи за три месяца, предшествующих месяцу обращения.
Кроме того, Вы можете подать заявление на Портале государственных и муниципальных услуг Республики Татарстан (uslugi.tatarstan.ru), либо обратиться в отделение Республиканского центра материальной помощи по месту жительства в течение месяца, следующего за месяцем окончания предоставления дополнительной компенсации.
В случае, если Вы обратитесь за переоформлением позже указанного месяца, дополнительная компенсация будет назначена Вам с месяца обращения.
Дополнительная компенсация переоформляется, если величина
дохода на одного члена в семье заявителя не превышает 20 тысяч
рублей.

Уважаемые родители! В целях предупреждения чрезвычайных ситуаций на воде в местах массового отдыха людей и соблюдения правил эксплуатации маломерных судов на водных объектах просим вас внимательно ознакомиться с памяткой для родителей по основным правилам поведения на воде. Вы должны ознакомить с данными правилами детей и помочь воспитателям в деле пропаганды безопасного поведения в летний период.Жизнь детей - в наших руках! Спасибо за понимание.

Уяндыңмы, елмай!

Көнне башла шулай,

Елмай үз-үзеңә,

Әйтәсе сүзеңә.

Таралыр бар кайгың,

Тыныч калыр җаның

Күтәр күңелеңне

Бу бәхет түгелме?

Бүгенге көн бакчабызда "Елмайю көне" исеме астында үтте. Балаларга елмаюдан кешенең күңеле күтәрелүе, елмаеп аралашкан кешеләрнең дуслары күп булуы, аларның бәхетле, шат булуы аңлатылды. Балалар иптәшләрен елмаеп сәламләделәр, бер-бесрсенә матур теләкләр теләделәр. "Нәни янут" ("Крошка енот") мультфильмын балалар яратып карадылар.

Ребёнок – прирождённый конструктор, изобретатель и исследователь. Эти заложенные природой задатки особенно быстро реализуются и совершенствуются в конструировании, ведь ребёнок имеет неограниченную возможность придумывать и создавать свои постройки, конструкции, проявляя при этом любознательность, сообразительность, смекалку и творчество. Детей, увлекающихся конструированием, отличает богатая фантазия и воображение, желание экспериментировать, изобретать. Лего-конструирование - любимое занятие детей старшей группы. Они могут часами сидеть и строить, бурно обсуждая и обыгрывая свои постройки. Порой диву даёшься, какие только постройки они не сооружают: дома, самолёты, корабли и даже кареты для принцесс. И сегодняшний день был не исключением они опять что-то построили.

22 июнь–Россиядә Хәтер һәм кайгы көне. Ул РФ Президентының 1996 елның 8 июнендәге Указы нигезендә гамәлгә куелган һәм немец фашистларының совет халкына каршы сугыш башлаган көнне билгеләп үтелә. Билгеле булганча, 1941 елның 22 июнь иртәсендә Германия илебезгә һөҗүм ясый. Гәрчә, тарихи мәгълүматлардан билгеле булганча, ике арада тынычлык хакында килешү төзелгән булса да. Немецлар авиациясе иң беренче аэродром, тимер юллар, хәрби-диңгез базаларына, хәрби частьлар урнашкан урыннарга һәм күп кенә шәһәрләргә ут ача. СССРга каршы Италия, Венгрия, Финляндия һәм Румыния чыга. Әлеге сугыш тарихта иң зур вакыйгаларның берсе буларак кереп калып, Икенче бөтендөнья Ватан сугышы исемен ала. Сугышка илебезнең бар халкы: яше-карты, ир-егетләр, хатын-кызлар күтәрелә. Авылларда, шәһәрләрдә бар эш  хатын-кызларга, балаларга, яшүсмерләргә, өлкәннәргә кала. Ачлык-ялангачлык, кайгы-хәсрәт һәр йортның ишеген шакый, бары бик бәхетлеләр генә үз якыннарын сугыштан каршы алуга ирешәләр. Татарстан районнары, шул исәптән безнең район да әлеге сугышта үз өлешен кертә. Районыбыздан чыккан Геройлар, батырлар исемлеге моның шулай икәнлеген тагын бер кат раслый.

Һәр елны 22 июнь көнне батыр каһарманнарыбызны искә алып уртанчылар, зурлар, мәктәпкә әзерлек төркеме балалары белән  мәңгелек утка, билгесез солдат һәйкәленә экскурсия оештырыла. Сугыш кырында ятып калган каһарманнарыбыз бер минутлык тынлык белән искә алына, чәчәкләр куела. Илебезне дошман әсирлегеннән азат иткән, якты көн өчен көрәшкән ата-бабаларыбызга күрсәткән ихтирам чарасының бу бер өлеше генә булып тора. Без аларны онытмаска, буыннан-буыннарга җиткерә барырга бурычлыбыз.

Хәзерге чорда яшь буынның сәламәтлеген ныгыту мөһим мәсьәлә булып тора. Һәрбер кеше балачактан ук үзенең эчке халәтен яхшы сиземләргә һәм сәламәтлеге турында кайгырта белергә тиеш. Яшәү шартларыннан чыгып, организмың өчен уңай мөмкинлекләр тудыра белү дә бик мөһим. Бакчабызда балаларга сәламәт яшәү рәвеше күнекмәләрен үзләштерү бурычын тормышка ашыру юнәлешендә нәтиҗәле эш барабыз. Безнең бакчабызда да шушы уңайдан   спорт бәйрәме  уздырылды, балалар велосипедта  узыштылар,  йөгерүдә, сикерүдә ярыштылар.

Саулыгың бит үз кулыңда,

Чыгарма тик исеңнән.

Һәрчак хәрәкәттә булып

Яшә, эшлә бүгеннән.

Шул максатны алга куеп

Без үсәбез гөр килеп,

Һәр нәрсәдән ямь табабыз,

Яшибез җаен белеп.

Әле менә рәхәтләнеп,

Туп тибәбез яланда.

Кемдер җиңә, кем җиңелә,

Үпкәләү юк алай да.

Сөенеп көтеп алабыз

Һәрчак физкультураны...

Ныгытабыз сөякләрне,

Һәм мускулатураны.

Зурлар төркеме балалары тәрбияче Ахметсафина Ләйсән Хазиевна белән берлектә ярышлар, уен-эстафета оештырдылар. Балалар ике командага бүленеп ярыштылар, узыштылар, көне буена җитәрлек энергия тупладылар.

Уен чыныктыра, тәрбияли, өйрәтә, уен баланы рухи яктан үстерә. Балалар бакчасына килүнең беренче минутыннан алып тантаналы чыгарылыш кичәсенә кадәр бала белән төрле уеннар уйнала. Кечкенәләр өчен тәрбия һәм белем бирү эшчәнлегендә аннан да яхшырак ысул әлегә уйлап табылмаган. Уен – һәр баланың табигый шөгыле. Ул баланы тирә-юнь белән таныштыра, танып белү эшчәнлегенә юл ача, аның физик һәм акыл ягыннан үсешенә уңай йогынты ясый. Ә иң мөһиме: уен баланы иптәшләре белән аралашырга күнектерә. Бакчабызда "Сәламәтлек көне" уңаеннан мәктәпкә әзерлек төркеме балалары Аухадиева Нурания Әюповна белән берлектә спорт мәйданчыгында уйнап ял иттеләр. Спорт белән шөгыльләнүнең сәламәтлеккә файдасы зур булуын, көчле, җитез булыр өчен даими шөгыльләнергә кирәклеген билгеләп үттеләр, ярышлар үткәрделәр.

Бүген бездә сабантуй,

Эшләреңнең барын куй.

Тизрәк йөгер мәйданга:

Бәйрәм башлана анда.

Бүген бакчабызда балаларны халкыбызның гореф-гадәтләре белән таныштыруны дәвам итү, үзара дуслашу һәм берләштерү, уеннар аша сөйләм телен үстерү, сәламәт яшәү рәвешен пропагандалау, милли спорт уеннарына кызыксыну уяту максатыннан Сабантуй үткәрдек. Сабантуйда балалар үзара су ташу, капчык киеп сикерү, аркан тарту, чүлмәк вату, йомырка тотып йөгерү уеннарында ярыштылар. Малайлар көрәштә көч сынаштылар. Зурлар, мәктәпкә әзерлек төркеме балалары велосипед та узыштылар. Бәйрәм җыр, бию, нәфис сүз белән үрелеп барды.