Балаларны табигатьнең матурлыгын күрә, соклана белергә өйрәтү, табигатькә карата сакчыл караш тәрбияләү балалар бакчаларында башлана! Тәрбиячеләр көндәлек саф һавага чыгу, табигатьне күзәтү вакытында күп кырлы эш алып баралар. Тере һәм тере булмаган табигатьтәге сезонлы үзгәрешләрне күзәтеп аермалыкларын күрергә өйрәнәләр. Бүген уртанчылар төркеме балалары тәрбияче Гүзәл Хамзевна белән берлектә бакча биләмәсендә үсүче агачларны күзәттеләр һәм "Яфракларыннан таны" уенын уйнап күзәтү вакытында алган белемнәрен ныгыттылар.

Балаларны кече яшьтән спорт белән шөгыльлләнеп сәламәт яшәү рәвеше алып барырга күнектерү, үстерү, чыныктыру максатыннан 25 сентябрь көнне Россия, Татарстан, район күләм "Милләтләр кроссы - 2016" үткәрелде. Кросста зурлар, мәктәпкә әзерлек төркеме балалары, хезмәткәрләр йөгерештә теләп катнаштылар. Йөгерештә катнашкан һәр балага истәлекле бүләкләр тапшырылды.

Бүген беренче кечкенәләр төркемендә әти-әниләр җыелышы үткәрелде. Әти-әниләргә тәрбияче Сафиуллина Әлфия Камилевна җитәкчелегедә балаларның логик фикерләү сәләтен, игътибарлылыкны үстерүче уеннар уйнатылды, музыка җитәкчеләре Диләрә Ильдусовна, Нурания Әюповна белән берлектә әзерләнгән концерт номерлары күрсәттелде. Гилемханова Әнисә Әминовна балаларның яшь үзенчәлекләре, тәрбияви бурычлар белән белән таныштырды.

Балаларның яшелчәләр, җиләк-җимешләр турында белемнәрне киңәйтү, системалаштыру, алган белемнәрен уеннар барышында киңрәк һәм иҗади якын килеп файдалану күнекмәләрен камилләштерү; җиләк-җимеш бакчасы, басу-кыр турында мәгълүмат бирү; предметларны классификацияләү күнекмәләрен ныгыту; сөйләмне билгене белдерүче сүзләр белән баету; балаларның иҗади күзаллауларын, күзәтүчәнлекләрен, логик фикерләү сәләтен үстерү; яшелчәләргә, җиләк-җимешләргә карата сак караш, аларның витаминнарга бай булуын аңлап, сәламәт тормыш алып бару теләге тәрбияләү; балаларның яшелчәләрнең файдалы яклары белән кызыксынучанлыкларын, уйлау сәләтен үстерү; балаларга көзге байлыкның халыкка шатлык, куаныч китерүен төшендерү максатыннан 19-23 сентябрь көннәрендә "Көз күчтәнәчләре" атналыгы үткәрелде. "Көз нигъмәтләре", "Витаминлы яшелчәләр", "Җиләк-җимеш бакчасында", "Табышмаклар илендә" темаларына бердәм эшчәнлекләр оештырылды. Мәктәпкә әзерлек төркеме балалары яшелчәләрне  натюрморт алымы белән  ясадалылр.

"Кабак бәйрәмен"ндә гадәттәгечә "Саба дулкыннары" телерадиокомпаниясе күп төрле номинацияләр буенча бәйге игълан итә. Быел безнең бакча хезмәткәрләре һәм әти-әниләр кабактан пешерелгән ризыкларын мул итеп әзерләделәр. Кабак бәлеше, бөккән, коймак, кыстыбый, кайнатма, вак бәлеш, мантый һ.б. Комииссия членнары һәр ризыкны тәмләп карады һәм безнең коллективка "Кабак бәйрәме"ндә "Иң тәмле кабак бәлеше һәм кабактан пешергән ризыклар" номинациясендә II икенче дәрәҗәдәге Диплом, "Иң тәмле коймак" номинациясендә Диплом, "Кабак бәйрәме"ндә актив катнашкан өчен Грамота тапшырды. Бәйрәмне өештыручыларга, бәйрәмдә, күргәзмәдә катнашкан һәркемгә, әти-әниләребезгә, педагогларга рәхмәтебезне җиткерәбез. Киләчәктә дә шулай бердәм булып яңадан-яңа унышларга ирешүегезне теләп калабыз.

Бүген иртән яшелчәләр "патшабикәсен" мул үстерүчеләр Саба мәдәният һәм спорт үзәгенә юл алды. Елдагыча үткәрелүче "Кабак бәйрәме"нә Саба 1 нче "Шатлык" балалар бакчасы нык тырышлык белән әзерләнде. Һәр төркем әти-әниләре, тәрбиячеләр белән берлектә кабактан ясалган эшләнмәләр белән күргәзмәдә катнаштылар. Балаларның яратып тыңлый торган "Шалкан", "Йомры икмәк", "Чуар тавык", "Өч аю" әкиятләре; "2016 ел - кино елы"дип игълан ителүенә бәйләп "Урман җәнлекләре киносеанста", "2016 ел - Татарстанда су саклау зоналары елы"на карата "Күл буенда" композицияләре үз урыннарын алдылар. Уңган хуҗабикәләребез кабактан төрле ризыклар әзерләделәр. Тәрбиячеләр һәм музыка җитәкчеләре тырышлыгында көйсез ханбикә кызы турында әкият сәхнәләштерелде, җыр,бию башкарылды. Күргәзмә, кабак сыйлары, агитбригада чыгышлары һәр тамашачыны үзенә җәлеп итте. Бәйрәм күтәренке рухта узды.

Балаларның ел фасыллары турында белемнәрен киңәйтү: көзнең характерлы үзенчәлекләре; табигатьтәге үзгәрешләр, ел фасыллары, ай исемнәре турында белемнәрен ныгыту; табигатьтәге үзгәрешләргә үсемлекләр, җәнлекләр ничек җайлашуы, андагы күренешләргә карата гомуми караш формалаштыру; кыргый һәм йорт хайваннарының тормышы, кошлар тормышы, кешеләрнең эшчәнлеге; тере булмаган табигатьтә күзаллауларны киңәйтү максатыннан 12-16 сентябрь көннәрендә бакчабызда "Исәнме, Алтын көзґ!" атналыгы үткәрелде. Балалар көндәлек тормышта табигатне күзәтүдә, тирә-юнь телән танышу эшчәнлекләрендә алган белемнәрен сынлы-сәнгать өлкәсендә киң чагылдыралар. Бүген мәктәпкә әзерлек төркеме балалары тәрбияче Венера Әгълиевна белән берлектә өрәнге яфрагын оригами ысулы белән эшләделәр.