Шатлыклар – күңелебездә.

Ал кояш – күгебездә.

Килегез, дуслар, кунакка,

Сабан туй бүген бездә! 

Җилферди чиккән сөлгеләр.

Бүләкләр – күбебезгә!

Көрәшик тә, узышыйк та –

Сабантуй бүген бездә!

Сабан туе, Сабан туе,

Без бакчада уйныйбыз.

Ярышабыз, узышабыз,

Матур җырлар җырлыйбыз.

Билгә сөлге салабыз да

Көрәшергә чыгабыз.

Әле батыр булмасак та,

Үскәч чынлап егарбыз.

Мәктәпкәчә тәрбия учреждениеләренең төп бурычы  балаларны рухи яктан бай, физик яктан сәламәт итеп үстерү. Алар төрле юллар белән тормышка ашырыла. Ә шулар арасында иң  әһәмиятлесе – уеннар.Саф һавада уеннар вакытында, табигать күренешләре, ел фасылындагы үзгәрешләр, хайваннар һәм кошлар тормышы белән таныштыру да уңай нәтиҗә бирә. Мәсәлән, “Урманга барабыз”, “Гөмбә, җиләк җыябыз”, “Тауга менү”, “Кар шарчыклары”, ”Яфраклар”, “Очты-очты” һәм башка уеннар уйнарга була. Уеннар вакытында физик сыйфатларны үстерү, ныгыту бара; тәннең мускулатурасын, өске һәм аскы сөяк аппаратының көчен арттыру, хәрәкәт координациясенең үсешен таэмин итү тормышка ашырыла.

Бүгенге көн бакчабызда "Мәрхәмәтле бул!" дигән исем астында үтте. Балаларга өлкәннәргә, кечеләргә, дусларга карата мәрхәмәтле булырга, аларга ярдәмләшергә, булышырга кирәклеге аңлатылды. Сюжетлы рәсемнәр ярдәмендә балалар белән әңгәмәләр үткәрелде, матур әдәбият   укылды.

14 июнь көнне әти - әниләр өчен чираттан тыш җыелыш үткәрелде. Җыелышта Ак Барс мед директоры Гумеров Рафаэль Ильдарович һәм район хастаханәсе баш балалар педиатры Гайнуллина Ильмира Гусмановна катнашты. Рафаэль Ильдарович үзләренең эшчәнлеге, мед.полисларны алу тәртибе, аларны куллану тәртибе, өстенлекләре белән таныштырды. Әти- әниләрнең сорауларына җавап бирде. Шулай ук анкеталар тутыртып районда медицина ярдәменә карата әти- әниләр фикерен белде. Ильмира Гусмановна куркынычсызлык кагыйдәләрен төгәл үтәргә, балалар сәламәтлеген кайгыртырга, прививкаларны вакытында ясатып барырга, авыртып китк ән балаларны бакчага китерерг ә ярамавы, балалар бакчасында күрсәтелергә тиешле медицина ярдәме турында тәсфилләп аңлатты. Шулай ук әти- әниләрнең сорауларына җавап бирде. Мөдир Исрафилова Миләүшә Корбангалиевна барлык әти-әниләрне Республиканың бала хокуклары буенча вәкаләтле вәкиллегеннән килгән хат белән таныштырды һәм аларны булдырмау чараларын аңлатты. “Игътибар! Ачык тәрәзә һәм балалар!” темасы буенча аңлату эшлэре алып барды. ЕСИА белән таныштырды. Барлык гаиләләргә дә дәүләт порталына кереп, авторизация үтәргә кирәклеген аңлатты. Инструкция балалар бакчасының сайтында, “Әти- әниләр өчен” бүлегенә куелуын әйтте.  Август аенда ясле төркеме җыелачагы әйтеп үтте. Гомуми җыелышта балалар бакчасындагы хезмәткәрләргә һәм әти-әниләргә балаларның сәламәтлеген саклау, аларны хәвеф - хәтәрләрдән саклау өчен бөтен чараларны күрергә һәм үтәргә кирәк дигән карар кабул ителде.

8 июнь көнне район мәдәният йортының спортзалында балаларның сәламәтлеген пропагандалау, өстәл теннисын популярлаштыру, үстерү максатыннан "Балаларны яклау көне" һәм "Россия көне" уңаеннан район күләм теннис ярышлары узды. Безнең "Шатлык" балалар бакчасыннан мәктәпкә әзерлек төркеме балалары Шарифиуллин, Раяз, Зайнеев Айназ, Динмухаметов Аяз, Сафина Илзидә, Халимова Илиза, Каримова Әминә катнаштылар. Җитезлектә, өлгерлектә, түземлектә көч сынашып дүртенче урынны яуладылар һәм Мактау Грамотасы белән бүләкләнделәр. Теннис түгәрәгенә йөргән балаларга сертификатлар тапшырылды.