Балаларның табигатьтә ел фасыллары буенча барган үзгәрешләр турындагы белемнәрен системалаштыру; кышкы табигатькә хас билгеләр турындагы белемнәрен ныгыту; кыш, кар үзенчәлекләре турында балаларның белемнәрен тирәнәйтү; җәнлекләрнең, кошларның кышка ничек җайлашуы турындагы белемнәрен арттыру;серле табигать күренешләренә соклану хисләре һәм мәхәббәт уяту - әңгәмәләр, тәҗрибәләр, күзәтүләр үткәрү, шигырьләр, җырлар өйрәнү, рәсем буенча хикәя төзү, рәсемләү, әвәләү, кисеп ябыштыру эшчәнлекләре аша алып барылды. Йомгаклау чарасы итеп балалар кул эшләреннән күргәзмә оештырылды.

Салкын, саф һава,

Йомшак кар ява,

Урамга чыксаң

Битләр кызара.

Кар бөртекләре

Өстеңә куна,

Үзләре матур

Һәм салкын була.

Әминә Бикчәнтәева.

Мәктәпкә әзерлек төркеме балалары белән тәрбияче Сабирова Рәхилә Расиховна кәгазьне бертигез киңлектәге тасмаларга кисеп, бөтереп мәрҗән ясый белеүне ныгыту; вак кул чукларының эшчәнлеген  күнектерү; мөстәкыйльлелек, пөхтәлек тәрбияләү максатыннан “Әниемә бүләк” темасына бердәм эшчәнлек үткәрде. Балалар эшкә кызыксынып алындылар, һәркайсы әнисенә бүләкне матур итеп эшләргә тырышты.

•  Әниләр бәйрәмен ел саен матур бер чара белән билгеләп үтәбез. Быел Әниләр көне уңеннан бакчабызда "Ягез әле, Әниләр!" исеме астында бәйрәм кичәсе үткәрелде. Бәйрәмдә һәр төркемнән ике Әни катнашты. Катнашучылар "Дуслык","Кояшкай" командаларына бүленеп үзара ярыштылар. "Үзегез белән таныштырыгыз" турында һәр команда исеме, девизы, җыры белән таныштырып, эмблеманың нәрсә аңлатуын жюри, тамашачыларга җиткерде. Әниләр "Тавышыннан таны", "Киендер тизрәк", "Әкиятләр илендә", "Бишек җыры", "Спорт белән без дус", "Театр экспромт" турларында актив булдылар. Бәйрәм балалар башкаруында музыкаль мизгелләр белән үрелеп барды. Әниләргә багышланган җылы сүз, теләкләрне шигырь, җыр аша җиткереп, матур биюләр башкардылар. Жюри рәисе Исрафилова М.К. ике команданың да ярышларга яхшылап әзрләнүен, бердәм булуларын билгеләп үтте. Ике команданың да бертигез очко җыеп чын мәгънәсендә дуслык җиңүен аңлатты. Әниләрне бәйрәм белән котлап, изге теләкләрен җиткерде. Кичәдә актив катнашкан әниләргә Мактау грамоталары, бүләкләр тапшырды, рәхмәтен җиткерде.

Бу атна "Минем гаиләм, өем, йорт  җиһазлары. Әниләр көне" темасы астында үтә. Атна дәвамында балаларга җир йөзендә яшәүче халыкларның торак йортлары, аларның яшәү урыннарына бәйле булуы турында аңлату, йорт  җиһазлары турындагы белемнәрен баету, тирәнәйтү, аларга карата сакчыл караш тәрбияләү, балаларда гаилә әгъзаларына хөрмәт, ихтирамлы мөнәсәбәт, ярату хисләре тәрбияләү, Әниләрнең иң кадерле кешеләр булуын төшендерү, игътибарлылык, кайгыртучанлык  хисләрен тәрбияләү эшләре алып барыла.

Бу атнаның иң матур чарасы булып бакчабызның һәр төркемендә үтүче "Әнием-кадерлем минем" дигән бәйрәм булыр дип уйлыйбыз. Бәйрәм эстафетасын 25 нче ноябрь көнне 1 нче кечкенәләр төркеме балалары башлап җибәрде. Балалар тәрбиячеләре Фатихова Гүзәл Хамзевна, Фасхиева Гөлгенә Талгатовна һәм музыка җитәкчесе Ахмитшина Алиса Дамировна  белән өйрәнгән җыр-шигырьләрен, биюләрен әниләренә бик теләп күрсәттеләр. Бәйрәм ахырында балалар әниләренә үз куллары белән аппликация ысулы белән ясаган чәчәкләрен бүләк иттеләр.