Әни җирдә иң кирәкле кеше.

Әниләрнең белик кадерен.

Җил – давыллардан саклап үстерә ул

Кызганмыйча бөтен гомерен.

Икенче кечкенәләр төркемендә тәрбиячеләр Дания Әминовна, Гөлгенә Тәлгатовна, музыка җитәкчесе Гөлнара Илдусовна җитәкчелегендә "Әнием - күз нурым" исеме астында бәйрәм кичәсе үткәрелде. Балалар әниләрен, дәү әниләрен, әбиләрен шигъри юллар, җыр, бию аша якынлашып килүче 8 март - Халыкара хатын-кызлар көне белән котладылар, иң матур теләкләрен җиткерделәр. Бәйрәм әниләр һәм балалар белән бергә уеннар уйнау белән үрелеп барды. Кичә ахырында балалар үз куллары белән ясаган бәйрәм открыткаларын кадерле кешеләре - Әниләренә тапшырдылар. Нәниләрнең күп төрле хөнәрләргә өйрәнеп чыгыш ясаулары Әниләргә хуш килде. Үзенчәлекле бәйрәм кичәсе үткәргән өчен Әниләр барлык бакча хезмәткәрләрен бәйрәм белән котлап саулык-сәламәтлек, бәхет, шатлык, уңышларга ирешеп эшләүләрен теләп калдылар.

Балаларны татар халкының милли киемнәре, аларның бизәлеше белән таншытыруны дәвам итү, татар кызларының кул эшләре - тегү, чигү, бәйләү һөнәрләре белән кече яшьтән таныш булуларына төшендерү; балаларда матурлыкны күрә һәм аны саклый белү сыйфаты, зәвыклылык тәрбияләү максатыннан "Әбиемнең серле сандыгы" темасы астында үткәрелгән атналык барышында күп кырлы эш алып барылды. "Татар халкының милли киемнәре", "Татар халкының милли чигү үрнәкләре" темасына презентацияләр күрсәтелде, түбәтәй, калфак чигү, читек бизәү орнаментлары белән таныштырылды. Балаларның алган белемнәре иҗадый сәнгать эшчәнлекләре барышында киң чагылдырылды һәм аларның эшләре буенча күргәзмә оештырылды. Мәктәпкә әзерлек төркеме балалары ир-егетләр һәм хатын-кызларның читекләрен, уртанчылар төркеме балалары түбәтәй, зурлар төркеме балалары алъяпкыч бизәүгә өстенлек бирде.

Агымдагы елның 26 февралендә "Ел тәрбиячесе - 2015" республика бәйгесенең район туры булып үтте. Билгеле булганча, әлеге чара "Россиянең ел тәрбиячесе - 2015" Россия күләм профессиналь конкурсы кысаларында уздырыла. Бәйгенең төп максаты - тәрбиячеләрнең статусын үстерү, аларның эш нәтиҗәләрен арттыру, иҗади якын килеп эшләүче педагогларны барлау һәм нәтиҗәләрен бәяләү. Алдагы этапта җинү яулаган коллегабыз -  рус телен өйрәтүче тәрбияче Вафина Лилия Ильфировна балалар белән эшләүнең үрнәкләрен күрсәтеп өченче урынны яулады. Аны чын күңелдән котлыйбыз. Яңадан-яңа унышларга ирешеп эшләвен теләп калабыз.

Сегодня, наша воспитательница по обучению русскому языку Вафина Л.И. принимала участие во втором этапе районного конкурса "Воспитатель года- 2015" , ктороый прошел на базе МБДОУ №2 "Эллуки". Лилия Ильфировна провела образовательную деятельность с детьми старшей группы на тему  "Домашние и дикие животные в русских народных сказках". Также, по требованиям конкурсных этапов она показала презентацию о своей педагогичческой работе. Всем участникам - коллегам желаем удачи в конкурсной эстафете.

20 февраль көнне Ватанны саклаучылар бәйрәме уңаеннан зурлар төркеме балалары Гөлназ Альфредовна, Гөлнара Ильдусовна, Гүзәл Габдулхаевна, Венера Аглиулловна белән берлектә "Без - булачак диңгезчеләр" исеме астында бәйрәм кичәсе үткәрделәр. Кунакка килгән әтиләр балаларның бердәм маршка, төрле ысуллар белән тезелеп йөрү күнекмәләрен үзләштерүне, команданы дөрес һәм төгәл үтәүләрен күзәттеләр. Диңгезчеләр булыр өчен көчле, нык, түзем, игътибарлы, өлгер булырга кирәклеген ассызыклап шигырьләр, җырлар, биюләр башкарылды. Әтиләр белән һәм балалар белән берлектә уеннар оештырылды. Бәйрәм ахырында балалар үз куллары белән ясаган истәлекле бүләкләрен әтиләренә тапшырдылар.

19 нчы февраль көнне уртанчылар төркеме балалары белән "Тынычлык, иминлек сагында Сез кирәк! " дип исемләнгән бәйрәм кичәсе булды. Балалар физ.инструктор Гөлназ Аубакирова  җитәкчелегендә дәүләт флагы тотып, төз адымнар белән залга уздылар. Гимнастик күнегүләр аша, төрле хәрәкәтләр ясап бәйрәм салюты ясадылар.Балалар  әтиләре өчен әзерләгән җырлар,бию, шигырьләрне Гөлнара Ильдусовна белән берлектә бер-бер артлы кунакларга җиткезделәр. Тәрбиячеләр Ләйсән Ахмәтсафина, Венера Каюмова әзерләгән, зирәклектә һәм җитезлектәге сынауларны әтиләр бик теләп башкардылар. Алар, үзләре яратып эшли торган барлык һөнәрләрен уен рәвешендә күрсәткәндә, балаларның йөзләрендә шатлык хиләре балкыды.Балалар, үз чиратында, тырышып  үз куллары белән ясаган бүләкләрне әтиләренә тапшырдылар.

Бүген, 18 нче февраль көнне икенче кечкенәләр төркеме балалары белән Ватанны саклаучылар көне уңаеннан "Әтием-горурлыгым" исеме астында музыкаль чара үткәрелде.

Бәйрәм музыка җитәкчесе Яхина Гөлнара Ильдусовна, тәрбиячеләр Гайфуллина Дания Әминовна һәм Фәсхиева Гөлгенә Тәлгатовна белән берлектә алып барылды. 

Бу матур чарада балалар, әтиләрен матур шигырьләр сөйләп котладылар, "Капитан", "Күңелле балчак", "Паровоз" дип исемләнгән җырлар җырладылар. Малайларыбыз "Капитан" биюен башкарсалар, кызларыбыз "кечкенә матрешкалар" булып биеделәр. Шулай ук, бәйрәм барышында әтиләр төрле кызыклы сорауларга җавап бирделәр, шарлар кабарттылар, ат булып сабыйларын атта йөрттеләр. Ә бәйрәм азагында балалар әтиләрен сөендереп үз куллары белән ясаган рәсемне бирделәр.

Икенче кечкенәләр төркеме балалары бик сөенеп әтиләренең хәрби хезмәттә төшерелгән  фотосүрәтләрен алып килделәр һәм тәрбиячеләр алар ярдәмендә матур гәҗит чыгардылар.

Муса Җәлилгә багышланган атнада уртанчылар төркеме балалары иҗат эшләрен язучының "Кызыл ромашкалар" шигыренә багышладылар. Әлеге эшнең максаты булып: балаларны халык шагыйре Муса Җәлилнең иҗаты белән таныштыру, аның батырлыгына хисләре тәрбияләү; кайчы белән дөрес итеп эш итү күнекмәләрен ныгыту, өлге буенча киселгән кәгазьләрдән альбом битенә ромашка таҗларын ябыштыру һәм краска белән пумала ярдәмендә таҗларга "кан" тамчыларын ясау иде. Шулай ук, балалар рәсем ясау шөгылендә М.Җәлилнең "Сәгать" шигыренә багышлап сәгать рәсемен ясадылар.   Балалар бу эшләрне бик зур тырышлык белән башкардылар. Эшләрен сезнең игътибарга да куябыз.