Бүген, 10 август көнне, Саба районың оешуына 85 ел тулу уңаеннан мәктәпкә әзерлек төркеме балалары тәрбияче Лилия Ильфировна белән берлектә туган якны өйрәнү музеена экскурсиягә бардылар. Балаларны музейда Саитова Венера апалары каршы алды һәм туган төбәгебез Байлар Сабасы, Саба районының тарихы; әби-бабайларыбызның яшәеше, көнкүреш әйберләре, эш кораллары, җиһазлары, киемнәре белән таншытырды. Бөек Ватан сугышында Советлар Союзы Геройы исемен яулаган ватандашларыбызның батырлыклары турында сөйләде, шәхси әйберләрен күрсәтте. Музейда һәр экспонат тарихи вакыйга бәйле булуын аңлатып, аларга карата сак караш тәрбияләү өстендә эш алып барды. Сораулар ярдәмендә “Сез, беләсезме?” уены үткәреп дөрес җавап биргән балаларга истәлекле бүләкләр тапшырды.

Бар минем дускаем,

Иң якын сердәшем,

Һәр җирдә, һәр эштә

Киңәшчем, иптәшем.

Өйрәтә ул миңа

Бар фәнне, телләрне.

Юк аның белмәгән

Сәнгате, һөнәре.

Күргәнен, белгәнен-

Барын да аңлата

Көлдерә җырлата,

Уйлата, юата.

Син аны беләмсең?

Кем соң ул? Уйлап тап!

Иң якын дускаем,

Киңәшчем, ул - ….Китап.

                   Җ.Тәрҗеманов

Зурлар төркеме балалары бүген 10 август көнне Абрар Каримуллин исемендәге Саба үзәк китапханәсенә экскурсиягә бардылар. Китапханә мөдире Батырханова Гөлсем Нәкыйп кызы балаларны бик җылы каршы алды һәм китапханә белән таныштырды. Нәниләргә матур рәсемле әкият, шигырь китаплары, кызыклы журналлар; зурларга фәнни шулай ук төрле жанрларда әдәби әсәрләр белән китаплар чыгарылуын аңлатты. Китапны яратып укыган һәркемнең белемле булуын, китапны саклап кына тотарга кирәклеген төшендерде.Балалар бүлегенең уку залында балалар китаплар, журналлар карадылар, Гөлсем апаларының кызыклы сорауларына җавап биреп, китап турында мәкаль, әйтемнәрне искә төшерделәр.

Туп-туп тубыбыз,

Син безнең матурыбыз,

Тишмәбез дә, югалтмабыз,

Оста тота кулыбыз.

Туп сикерә, син дә сикер,

Тыпыр-тыпыр тыпырда,

Дуслар белән уйна бергә,

Читтә генә утырма.

           Әминә Бикчәнтаева

Икенче кечкенәләр төркеме балалары тәрбияче Гүзәл Хәмзевна белән берлектә "Минем яңгырвакылы, күңелле тубым" уены вактытында тупны сикертеп, тәгәрәтеп булуын күзәттеләр. Туп кебек үзләре дә сикерә һәм бер юнәлештә таралып йөгерә белүләрен күрсәттеләр.

Челтер-челтер чишмә ага,

Көмеш төсле сулары.

Су өстендә җем-җем итә

Көннең алтын нурлары.

Мәктәпәчә яшьтәге балаларны туган ягы, туган төбәге белән, аның тарихы, табигате белән таныштыру, туган илгә карата мәхәббәт тәрбияләү без өлкәннәрнең төп бурычы. Шушы уңайдан "Су янында һәм суда" атналыгы барышында зурлар төркеме балалары тәрбияче Ләйсән Хазиевна белән "Ягүр" чишмәсенә экскурсиягә бардылар. Чишмәнең килеп чыгу тарихы, аның исеме белән таншытылар, чишмә суы җир астыннан чыгуын,аның чиста, саф, үтәкүренмәле, салкын булуын күзәттеләр. Чишмәнең суы мул булуын, аның тирәсен һәрдаим чистартып, тазартып торырга кирәклегенә төшенделәр, тирә- юньдә булган чүп-чарларны җыйдылар. Кечкенә генә чишмәләрнең зур елагаларга, елагаларның диңгезләргә, диңгезләрнең океаннарга барып тоташулары балаларга җиткерелде. Әйләнә-тирәбезнең гүзәллеген, матурлыгын, чисталыгын саклауга кешеләр үзләре  җаваплы булуы аңлатылды.

Үстеләр чәчәкләр,

Их, матур үзләре:

Резеда, георгин

Күгәрчен күзләре...

Бакчабыз биләмәсен матурлау, ямьләндерү, бизәү буенча күп кенә эш алып барыла. Яз җитү белән хезмәткәрләребез һәм әти-әниләр тырышлыгында күп төрле,берсеннән-берсе матур гөлләр утыртылды. Җәйнең җылы, яңгырлы булуы чәчәкләргә хуш килде, тирә-юнь аллы-гөлле төсләргә күмелде. Табигать биргән матурлыкны күрә, тоя белергә өйрәтү, чәчәкләрне таный һәм аера белергә күнектерү максатыннан балалар белән даими күзәтүләр оештырыла. Чәчәкләрнең төсләренә, таҗ, яфракларының формаларына, төзелешенә игътибар ителә; аларны чагыштырып карау ысулы аша охшашлыкларын, аермалыкларын күрә белергә; таный һәм аера белү өстендә эш алып барыла. Өлкәннәр хезмәтенә хөрмәт, чәчәкләргә карата сакчыл караш тәрбияләнә. Уртанчылар төркеме балалары тәрбияче Дания Әминовна белән берлектә "Чәчәкләргә күмелгән - гөлбакча" темасына әңгәмә вакытында сокландыргыч гүзәл чәчәкләрнең  кешеләргә, аларның сәламәтлекләренә уңай йогыты ясавын аңлатты. Шушы матурлыкны саклый белергә кирәклеген төшендерде.