Балаларны чәчәкләр төрләре (бүлмә, кыр, урман,чәчәклек тә үсүче) белән таныштыру. Чәчәкләрнең төзелеше, үсүе белән таныштыруны дәвам итү. Балаларның туфрак турында күзаллауларын киңәйтү, тикшерү тәҗрибә үткәрү эшчәнлеге нигезендә экологик фикер йөртү, экологик бәйләнешләрне күреп барлык тереклек ияләренә карата шәфкатьлелек, табигатькә сак караш тәрбияләү максатыннан 18-22 май көннәрендә “Бүлмә гөлләре.Чәчәкләр- тормыш яме” атналыгы үткәрелде. Барлык төркемнәрдә бердәм белем бирү эшчәнлеге атналык темага нигезләнеп алып барылды. Балалар тирә-юньдә чәчәк атучы куак, агачларны, нәркиз, ирис, лалә, тузганак, үги ана чәчәген күзәттеләр. Икенче кечкенәләр төркемендә Дания Әминовна балаларны бүлмә гөлләре белән таныштыру, аларны дөрес тәрбияләргә күнектерү буенча эш алып барды. Кисеп-ябыштыру эшчәнлегендә "Тузганаклар аланы" исеме астында бердәм панно эшләделәр..

Мәктәпкә әзерлек төркемендә тәрбияче Рәхилә Расиховна тәрбиячеләргә "Урманга сәяхәт" исеме астында балаларның бердәм эшчәнлеген үткәрде. Балаларның мәктәпкә әзерлеген ачыклау, уен-сәяхәт аша  алып барылды. Юлда әкият геройлары: Куян кызы, Шүрәлеләрне очраттылар, аларның төрле биремнәрен үтәп юларын дәвам иттеләр. Урманда үз-үзеңне тоту кагыйдәләрен искә төшерделәр. Табигатьнең кеше тормышында зур урын алып торуын, анан башка яши алмавын, шуңа күрә табигатьне сакларга кирәклеге төшендерелде. Тере һәм тере булмаган табигатьнең, үсемлекләрнең, җәнлекләрнең, кешеләрнең үзара бәйләнештә булуын аңлатылды.

Бу атна танылган татар  балалар язучылары иҗатына багышланды. Атна дәвамында балалар Э.Шарифуллина, Ш.Галиев, А.Алиш кебек тагын күп кенә язучыларыбыз иҗатын өйрәнделәр, әсәрләренә карата рәсемнәр ясадылар. 

 Татарстан Республикасының атказанган сәнгать эшлеклесе, Язучылар берлеге әгъзасы Эльмира Шарифуллина  иҗаты балалар өчен бик аңлаешлы. Шуңа да бүген, "Яшь артистлар" түгәрәгенә йөрүче балалар  бик яратып язучының "Киемнәр кая киткән?"  әкиятен сәхнәләштеределәр . Аларның уйнавын нәни тамашачыларыбыз бик яратып кабул итте.

Шагыйрә Эльмира Мөхәммәтулла кызының  нәниләр өчен язган «Безнең зоопарк» исемле беренче китабы 1976 елда ук басылып чыга. Китап аеруча бәхетле язмышка очрый: 1990—1999 еллар арасында аның зур тиражлар белән тагын өч яңа басмасы дөнья күрә (дүрт басманың гомуми тиражы — ярты миллион данә!). Шуннан соң нәшер ителгән «Җитәкләшеп җил белән», «Иң матур әни», «Алтын балык» һ. б. китаплары да сабыйлар тарафыннан яратып каршы алына. Балаларга атап язган шигырь һәм әкият-хикәятләрендә автор образлы сүз сәнгате ярдәмендә тормыш-яшәешнең нәниләрне кызыксындырган күп мәсьәләләре турында оста педагогларча ихлас әңгәмә алып бара, маҗаралы сюжетлар корып, вакыйгаларны шигъри төсләргә төреп, сабыйларның күңелләренә туган җирне, табигатьне, үз халкыңны ярату, милли гореф-гадәтләрне саклау һәм хөрмәт итү, якын кешеңә, бигрәк тә Ана кешегә миһербанлы, игелекле булу кебек гуман хисләрне сеңдерергә тырыша.

Һәр ел саен 9 май - Бөек Җиңү көне зур тантана итеп үткәрелеп килә. Һәркем бу бәйрәмне көтеп ала, чөнки һәр гаилә Ватанны сакларга, явыз дошманнан якларга иң якын, кадерле кешеләрен фронтка озаткан. Без яшь, үсеп килүче буын батырланы, каһарманнарны онытмыйча, аларның һәм безнең бәхетле тормыш өчен көрәшүен истән чыгырырга тиеш түгелбез.Традицияне дәвам итеп, елдагыча  9 Май Бөек Җиңү көнен билгеләп үтәргә "Шатлык" балалар баксачы коллективы да бердәм җыйналып, шарлар, тере кәнәфер чәчәкләрен тотып  парадка чыкты. Быел, алгы 3 рәтебезне яшь буын - хезмәткәребезнең балалары алды, алар артыннан без атладык. Мәйдан түреннән үтүгә, без мәңгелек утка  чәчәкләребезне салып якташларыбызны  искә алдык.

Бу көн беркайчан да чыкмас истән,

Бу көн моңнар булып җыргаларга да күчкән.

Бу көн илебезгә бәхет алып килгән,

Бу көн безгә тыныч, аяз тормыш биргән.

Сугыш афәте бик күп гаиләләргә кайгы-хәсрәт алып килүен төшендерү, сугышчыларның илебезне дошманннан коткару өчен башкарган батырлыклары, тылда калган хезмәтчәннәрнең башкарган эшләре, тормышы белән таныштыру максатыннан уртанчылар, зурлар, мәктәпкә әзерлек төркемнәре балалары катнашында "Җиңү алып килгән - яз" исеме астында бәйрәм иртәсе үткәрелде. Җиңүчеләргә дан шигъри юлларда, җырларда чагылды. Команданы тыңлап хәрәкәт итү, игътибарлылык арттыру йөзеннән төрле төзелештә маршка атлау күнекмәләре ныгытылды.