Балаларны янгын куркынычсызлыгы таләпләре, янучан һәм янмый торган предметлар,  утның файдасы һәм зыяны турында  белемнәрен ныгыту максатыннан төркемнәрдә “Ут-дус, ут дошман”, “Сак булыгыз, электр җиһазлары!”, “Аш бүлмәсе уен урыны түгел!”, “Төтен нәрсәсе белән куркыныч?”   темаларына балаларның бердәм эшчәнлеге оештырылды. Рәсем, әнгәмә, әдәби әсәрләр аша балаларны янгынны булдырмый калу юллары, янгын вакытында үз-үзенне ничек тотарга кирәклеге аңлатылды.

Янгын вакытында, экстремаль очракларда үз-үзеңне тоту кагыйдәләрен ныгыту, төрле ситуацияләрдән чыгу юлын табарга өйрәтү, янгын сүндерү чаралары белән таныштыру максатыннан бакчабызда  өйрәнүләр оештырылды. Балалар өлкәннәр ярдәмендә киенеп, тиз арада курыныч булмаган урынга чыктылар. Тәрбиячеләр һәм бакча хезмәткәрләре тарафыннан куркынычсызлык кагыйдәләре кабат искә төшерелде һәм төгәл үтәлде.

Кышкы уеннарга багышланган атна дәвам итә. Балалар бакчасында чаралар даими оештырылып барса да, бу атна барышында һәркөн нинди дә булса спорт ярышлары  үткәрергә омтылабыз. Мәсәлән, зурлар төркеме балалары белән бүген урамда спартакиада үткәрелде. Алар чана тартып үзара ярыштылар. Балалар бакчаларына Саба районы хакимияте тарафыннан  балалар өчен чангылар кайтартылган иде. Быел балалар бик сөенеп шул чангыларда шуа, саф һавадагы чаралар да күбрәк шул спорт төре белән бәйле. Ата-аналар да, тәрбиячеләр дә бу чангы кайтарту акциясенә бик рәхмәтле,  чөнки чангыны йөдән  алып киләсе түгел, һәркемдә булмаска да мәмкин, сабыйлар  да бик теләп дуслары белән  рәхәтләнеп шуа, чыныга, сәламәтлеген ныгыта.

Бүген "Шатлык" балалар бакчасында музыка җитәкчесе Дилбәр Фатыйх кызы Мустафина 55 яшьлек юбилей уңаеннан тәбрикләү  - котлаулар кабул итте. Аны шушы матур бәйрәме белән котларга Саба районы мәгариф бүлегенең профсоюз рәисе Гузялова Гөлнәзирә Мөдәрисовна, мәктәпкәчә тәрбия бирү буенча әйдәп баручы белгеч Димухаметова Айгөл Шаһинуровна килделәр. Тантана Бакчабыз мөдире Исрафилова Миәүшә Курбангалиевна тәбрикләве, коллективның юбилярга башышланган җырлары, балалар биюләре белән дәвам итте. Дилбәр Мустафинаны тәбрик итәргә Сабаның "күрше" бакчаларындагы коллегалары - музыка җитәкчеләре килгән иде. Алар бүләк иткән сюрприз мизгелләр бәйрәмне тагы да күңелле итеп, юбилярның рухын тагы да  күтәрде.  

Салкын карлы кышта тусаң да син,

Яз кояшы һәрчак күңелеңдә.

Һәрвакытта йөзең көләч булсын,

Балкып яшә гомер-гомергә.

 Дилбәр Фатыйховна ул безнең бакчабызның нуры, кояшы дисәк тә була. Балаларны яратып, алар белән даими шөгелләнеп, алар белән төрледән-төрле чаралар үткәреп әти-әниләрнең дә, сабыйларның да куанычларын арттыра ул. Дилбәр фатыйховнаның гомер башы Буа якларыннан башлана. Кечкенәдән музыкага гашыйк булуын аңлап, балаларын белемле итү теләге белән гаиләдә бишенче булып туган Дилбәрне әтисе Казанга – консерватория каршындагы музыка... 

16 нчы гыйнвар көнне Татарстан Республикасы күләмендә табигатьне саклау буенча экологик акция үткәрелде. Бу чарада безнең "Шатлык" балалар бакчасы да катнашты һәм бердәм белем эшчәнлекләре  экология темасына багышланды. Барлык төркемнәр дә бу теманы төрлечә яктыртты. Мәсәлән, уртанчылар төркемендә "Туган ягым" , зурлар төркемендә  "Урманыбыз чиста булсын", мәктәпкә хэзерлек төркемендә " Табигатне саклыйк" темасы астында күңелле, җанлы әнгәмәләр оештырылды.Эшчәнлек ахырында, нәтиҗә ясап балалар бик теләп үз фикерләрен, теләкләрен рәсемгә төшерделәр.

Бу көннәрдә бердәм белем бирү эшчәнлекләрендә цирк темасы урын алды. Балалар бик теләп цирк, андагы артистлар, төрле трюклар күрсәтүче хайваннар, аларның  тормышы турында өйрәнделәр, мультфильмнар  карадылар. Күргәннәреннән, ишеткәннәреннән чыгып балалар рәсемнәр ясадылар, кубиклардан монежлар төзеп анда хайваннарны куеп күзалладылар.

Балалар мәш киләләр

"Шатлык" ишекалдында

Күрегезче, тезелешеп

Чангы шуалар анда!