Бүген бездә “Һәр рәсемдә-Җәй” конкурсы. Җәйнең матурлыгын һәр бала рәсемгә төшерде. Иң матур рәсем ясаучылар дип Галиева                       Гөлинә, Шамилова Гөлгенә, Ганиева Әдилә, Хусаинов Рәлис, Ганиев Айдар һәм Яруллин Дилүс табылдылар. Көндезге аштан соң “Көйне               таны” уен-бәйге оештырылды. Балалар көйне танып кына калмадылар, ә рәхәтләнеп кушылып та җырладылар. Менә шулай күңелле                         вакыйгалар белән лагерьның тагын бер көне үтеп тә китте.

Чишмәләрнең саф суы сусауны гына басып калмый, тәнгә сихәт бирә, көч кертә. Аның янына туктап бит-кулыңны юсаң, уч тутырып су эчсәң, өстән йөк төшкәндәй була, җиңеләеп каласың. Күрәсең, шуңадыр кешелек дөньясы элек- электән чишмәләргә игътибарлы булган. Аларны чистарту, төзекләндерү һәм тәрбияләп тору изге эш, әҗер-савап саналган. Шушы максат белән без дә Явлаштау авылы чишмәләренә сәяхәткә киттек. Балалар чишмәләр янына барып, алар белән “сөйләштеләр”, “хәл-әхвәлләрен белештеләр”. Ә иң зур ярдәмнәре булып- бөтен чишмә буйларын пычраклардан чистарту булды. Тирә –якта килешсез яткан агачларны да читкә алып куйдылар. Чишмә яннарын чистартып алгач, балаларның үзләренә дә рәхәт булып китте. Тагын шушында килергә дип сүз куешып, лагерыбызга кайтып киттек.

Бүгенге көн гадәттәгедән бөтенләй үзгә булды, чөнки яңгыр яуды. Шунлыктан бүгенге көнне лагерь эчендә генә үткәрергә туры килде. Шулай да без төшенкелеккә бирелмәдек. Чәчәк букетлары бәйләмнәрен рәсемнәрдә чагылдырдык. Бакча һәм болын чәчәкләре турында вожатый апаларыбыз презентация белән кызыклы әңгәмә үткәрделәр. Аннары ике командага бүленеп пионербол уены уйнадык. Рәдиф, Нурсил, Фидәрис, Гөлгенә, Альмир аеруча әйбәт уйнадылар. Матур итеп рәсем ясаучыларга һәм яхшы пионербол уйнаучыларга бүләкләр бирелде.

Бүген рус теле көне уңаеннан мәктәптә укучылар белән брейн-ринг үткәрелде. Пушкин әкиятләре буенча мультфильмнар карадык.

         Иртәнге гимнастикадан соң, иртәнге ашны ашап алдык та, “Универсиада-2013” дигән темага әңгәмә үткәрдек. Аннары җырлы-биюле уеннар              уйнадык. Узган көндәге сәяхәт буенча иң истә калган мизгелләрне рәсемгә тәшердек. Ә аннан соң зарыгып көреп алган Лесхоз Боз сараена юл           тоттык. Барыбызның да күңелләре көр. Җырлый-җырлый барып җиткәнебезне  сизми дә калганбыз. Җәйге эссе көндә боз өстендә шуу үзе бер           могҗиза. Боз сараеннан кайтасы да килмәде. Ләкин безне алда яңа уеннар көтә иде. Төшке ашны ашаганнан соң, саф һавада төрле уеннар                     уйнадык. Көнебез күңелле үтте. Иртәгесе көнгә планнар корып өйләргә таралыштык.

             Авылыбыз балыклы суларга бик бай. Шуны истә тотып, бүген “Балыкчылар” көне үткәрергә уйладык. Һәр бала өйләреннән кармаклар, җимнәр алып килделәр.Су буенда малайларыбыз  кызыксынып балык тоттылар, ә кызларыбыз табигать кочагында “Табигать газетасы”н чыгардылар. Егетләр арасында һәм иң күп балык тотучы Әхәтов  Идел-7 балык, Аухадиев Фидәрис-6 балык, Акберов Альмир-4 балык. Иң зур балыкны -Галимзянов Нурсил, иң кечкенә балыкны- Минкабиров Айзат,иң беренче балыкны Рәлис белән Альмир тотты.Иң оста су өстеннән таш сикертүчеләр Ганиева Әдилә, Газизуллин Айназ, Галимзянов Нурсил, Шаймуллин Булат. Арып –талып балык тотудан кайткач, балалар тәмле ашлар ашадылар, күңелле ял иттеләр. Тәшке аштан соң, бер-берсенә хат аша сәламнәр җибәрделәр. Шулай итеп көннең үтеп киткәне сизелми дә калды.

Мәктәп яны лагеры үз эшен дәвам итә. Укучылар бик теләп йөриләр, чөнки көн саен кызыклы чаралар булып тора. Бүген көн “Бантиклар” көне дип игълан ителгән иде. Кызлар бу көнгә бик нык әзерләнгәннәр. Чәчләренә төрле төстәге бантиклар бәйләгәннәр, хәтта, күлмәкләренә, кулларына такканнар. Бу көнне бантик таккан кызлар һәм бердәнбер малаебыз Альмир төрле төстәге җәйге күбәләкләрне хәтерләтәләр иде. Җиңүче кызыбыз Гөлинәнең бантиклары 50дән дә артык иде. Уөн азагында иң үзенчәлекле һәм иң күп бантик тагучыларга призлар тапшырылды.Көндезге аштан соң урамда төрле-төрле кызыклы уеннар уйнадык. Аннары хат аша сәламнәр кабул иттек. Көннәр арты көн үтсә дә, һәр көн күңелдә тирән эз булып уелып кала: күпме күңелле чаралар, нихәтле очрашулар, күпме бүләкләр!!!

Бүген дә балалар шау-гөр килеп лагерьга җыйналдылар. “Мишә” ял һәм сәламәтләндерү лагерында ял итүчеләр өчен табигать бүген дә бик матур җәйге, кояшлы көн бүләк итте. Көндәгечә реңим буенча иртәнге линейка, зарядка һәм аш булды. Иртәнге аштан соң бергәләшеп җәйге урманга сәяхәткә бардык. Бик күп төрле куак-агачлар белән таныштык, матур-матур чәчәкләр күрдек. Кайткач күргәзмә ясар өчен табигый материаллар җыйдык. Урманның тынычлыгына, матурлыгына хозурланып, күкрзк тутырып саф урман һавасын рәхәтләнеп сулап, күп итеп энергия туплап кайттык без сәяхәттән.. Көндезге аштан соң, урманнан алып кайткан табигый материаллардан “Табигать һәм фантазия” дигән зур күргәзмә ясадык. Аннары көнгә нәтиҗә ясап, һәммәбез дә канәгать  булып өйләребезгә таралыштык.

      Бүген лагерыбызга тәүге тапкыр җыелып, төркемнәргә бүлендек. Беренче линейкада кәндәлек режим, эш планнары белән таныштык. Ике отрядка бүленеп исем, җыр, девиз сайладык, отрядларның газеталарын чыгардык, инструктажлар үттек. Беренче  отряд “Салават күпере”, икенче отряд “Кояшкай” исемнәрен сайлады. Фельдшер Илсияр апа гигиена кагыйдәләрен кабат исебезгә төшереп, безнең чисталыгыбызны тикшерде, үлчәде. “Балаларны яклау көне”нә багышланган “Балачак бәйрәме” үткәрдек. Җырладык, шигырьләр сөйләдек, биедек, кызыклы уеннар уйнадык бәйрәм бик күңелле үтте. Көндезге аштан соң “Акыл-тезген, белем-ат, тезгенеңне белеп тарт” бәйгесе уздырдык. Көнгә нәтиҗә ясап, һәммәбез дә канәгать булып өйләребезгә таралыштык.

"Экологик туризм" түгәрәгендә шөгыльләнүче балалар, җитәкчеләре Нуркыя Мөхәммәтхановна җитәкчелегендә Казанның истәлекле урыннарында экскурсиядә булдылар. Укучыларга иң ошаганы-Казан Дәүләт Университетында эшләүче зоологик музей булды. Музейның 200 елга якын тарихы бар. Укучылар бик зур канәгатьләнү белән кайттылар.