Мәктәбебезнең 9 нчы сыйныф укучысы Сәйфуллин Ранил 1996-1997 нче елгы егетләр арасында җиңел атлетика буенча IX Спартакиада уеннарының сайлап алу этабында 800 метрга йөгерү буенча-I, ә 100 метрга йөгерү буенча-III урын яулады. Ранилне зур җиңүе белән котлыйбыз һәм киләчәктә дә уңышлар юлдаш булсын аңа.

"Тылсымлы пумала" һәм "Экологик туризм" түгәрәгендә шөгыльләнүче балалар язгы табигатькә экскурсиягә чыктылар. Экскурсия бик кызыклы һәм файдалы үтте. Табигатьтәге язгы үзгәрешләрне күзәтү белән беррәттән, әйләнә- тирәне, юл кырыйларын чүп-чарлардан арындырдылар.

Мәктәбебезнең 8 нче сыйныф укучысы Хафизова Нәргизә, Кукмара районы Зур Сәрдек гимназиясендә үткәрелгән, Сәгыйт Сөнчәләй исемендәге регион ара фәнни-практик конференциядә I урын яулап, дипломга лаек булды. Нәргизәне һәм аның фәнни җитәкчесе, география укытучысы Фәйзрахманова Нуркыя Мөхәммәтхановнаны зур җиңүләре белән котлыйбыз.Киләчәктә дә гел уңышлар юлдаш булсын аларга.

Республика буенча узучы хәрби-патриотик уен "Аҗаган-2013" нең зона туры безнең мәктәбебездә үткәрелде.Уенда Шәмәрдән, Килдебәк, Лесхоз, Нырты һәм Явлаштау мәктәпләре катнашты. Уен бик оешкан төстә узды. Мәктәбебез укучылары да бу уенда сынатмады.

"Халыкта ир кеше үз гомерендә өй салырга, агач утыртырга һәм нәсел калдырырга тиеш дигән гыйбарә яши. Агачны һәммә кеше дә утырта ала. Ул синең киләчәк буынга, нәселеңне дәвам итүче балаларыңа зур истәлек. Дөрес, бүгенге заманда өй салу һәркемнең көченнән, матди хәленнән килмәскә мөмкин. Ләкин һәр ир кеше бу хыялын тормышка ашырырга тырыша. Хәзергә хыялымны компьютер программасы ярдәмендә тормышка ашырдым"- ди "Яшь программист" конкурсында катнашып, "Компьютерный дизайн" номинациясендә I урын яулаган укучыбыз Яруллин Айдар. Айдар сине чын күңелебездән зур җиңүең белән котлыйбыз. 

КФУ тарафыннан оештырылган "Татарстан Республикасы һәм татар халкының тарихы, мәдәнияте" темасы буенча үткәрелгән конференциядә мәктәбебез укучысы Балтачова Зөлфия II икенче урынга лаек булды. Ә аның җитәкчесе, тарих укытучысы Ярмиева Гүзәл Мәсгут кызына  Диплом тапшырылды.

Мәктәбебездә ел саен традиция буенча Нәүрүз бәйрәме үткәрелә.Быел да бу бәйрәм бик оешкан төстә үтте. Бәйрәм ярминкә белән башланып китте. Ярминкәдә   5, 6,7,8,10 нчы сыйныф укучылары аеруча актив катнаштылар. Нәүрүзнең төп оештыручылары 8 нче сыйныф укучылары иде. Ярминкәдән соң сүз аларга бирелде. Аларның җырлы-биюле музыкаль монтажлары һәркемнең күңеленә хуш килде. Соңыннан "Зур уен" булды. Һәр класс бер команда булып, үзләрен төрле дистанцияләрдә сынап карадылар. 

"Дәүләт символлары " дигән тема буенча мәктәбебездә парламент сәгатьләре узды.Укучылар Россия һәм Татарстан Дәүләт символларының барлыкка килү тарихы, аларның әһәмияте турында белемнәрен киңәйттеләр, тирәнәйттеләр.

Шәмәрдән лицеенда район һәм республика этабында призлы урыннар яулаган укучыларны һәм аларның укытучыларын котлау тантанасы булды.Бу тантанада безнең мәктәптән республикада һәм районда берничә призлы урын алган Балтачова Зөлфия һәм аның әти-әнисе, укытучысы Усманова Шәмсенур Гаязовна, 9 нчы сыйныф укучылары Сәйфуллин Ранил,Әхмәтгалимов Ранил, 11 нче сыйныф укучылары Мусина Рузилә, Минкабирова Рәлияләр катнашты.

Мәктәбебезнең 8 нче сыйныф укучысы Хафизова Нәргизә  Арчада уздырылган "Кеше һәм табигать" дип аталган фәнни-гамәли республика конференциясендә уңышлы чыгыш ясап "Туган төбәк экологиясе турында иң яхшы белемгә ия"номинациясендә дипломга лаек булды.Укытучысы Фәйзрахманова Нуркыя Мөхәммәтхановна.Нәргизәне уңышлары белән котлыйбыз.