Язгы өмәләр башланды. Бүген мәктәбебез тирәсендәге карлар таратылды. Өмәдә укучылар, укытучылар, техник хезмәткәрләр – һәммәсе дә актив катнашты.

   13 нче апрель көнне терроризм һәм экстремизмны кисәтү һәм булдырмау максатыннан, 5-11 нче сыйныф укучылары Ankеts программасында анкета эшләделәр. Укучыларыбыз барысы да актив катнаштылар.

   Бүген, ягъни 11 нче апрель көнне, мәктәбебез базасында Иштуган һәм Явлаштау урта мәктәпләренең 2002-2004 нче елгы кызлар командалары волейбол уенында көч сынашты. Уен 2:1 исәбенә, безнекеләр файдасына тәмамланды. Молодцы, кызлар, сез булдырасыз! (Тренерлары – Фазылов И.И.)

   Бөтендөнья сәламәтлек көне уңаеннан, сыйныф сәгатьләрендә “Сәламәт тәндә - сәламәт акыл” темасына әңгәмәләр уздырылды.

   Бүген мәктәбебездә  участок инспекторы Хабибуллин Ф.Ф. “Террорчылык – куркыныч афәт” темасына укучылар белән әңгәмә үткәрде.

   Мәктәбебездә педагог-психологлар Кошкина Ильмира Мукминовна һәм Шәрипова Эльвина Ильнуровна укучылар белән очрашып, психологик тренинг үткәрделәр. Укучылар социаль-психологик тест биремнәре эшләделәр.