“Балалар китабы” атналыгы кысаларында мәктәбебездә “Китап докторы” акциясе үткәрелде. Китапханәдәге китапларга “беренче ярдәм” күрсәтелде, ягъни алар төпләнде, тәртипкә китерелде.

   27 март көнне укучы егетләр һәм кызлар арасында технология фәне буенча “Мин-Мастер” районара бәйгесе үтте. Бәйгедә мәктәбебездән Шамилова Гөлгенә һәм Галимҗанов Нурсил катнашып, уңышлы чыгыш ясадылар.

  28 нче март көнне Саба гимназиясендә Джонатан Свифтның “Гулливерның сәяхәтләре” әсәре буенча әдәби квест уздырылды. Квестта Галимҗанов Ризат һәм Габдрахманова Ләйсән уңышлы чыгыш ясадылар һәм Ризат грамотага, ә Ләйсән катнашучы сертификатына ия булды. Молодцы, укучылар!

   25 нче март көнне Лесхоз бистәсендә Татарстанның һәм Рәсәйнең Атказанган урманчысы Нургали Миңнеханов истәлегенә шахмат ярышы булып узды. Әлеге ярышта укучы егетләр, кызлар һәм өлкәннәр шәхси беренчелеккә көч сынашты. Мәктәбебезнең VI сыйныф укучысы Ганиев Айдар III призлы урынга лаек булды. Молодец, Айдар!

  25 нче март көнне Кукмара районы Ядегәр урта мәктәбе базасында Габделхак Каюмов исемендәге фәнни–гамәли конференция уздырылды. Конференциядә мәктәбебез укучылары төрле секцияләрдә чыгыш ясап, түбәндәге нәтиҗәләргә ирештеләр:                  

Гыйлметдинова Илсинә (XI cыйныф) - II урын, Фәхертдинов Нурсил (VII с.) – лауреат, Шакирова Айзилә (Vс.), Ярмиев Рәлиф (Vс.), Әхмиева Гөлфизә (VIII с.) – катнашучы сертификаты. Укучыларыбызны һәм аларның җитәкчеләрен чын күңелебездән котлап, киләчәктә зур уңышлар телибез! (Җитәкчеләре –Ярмиева Г.М., Ахметова С.В., Галиева Г.Х., Гафиятова Г.А.)

   24 нче март көнне Саба гимназиясе базасында Әбрар Кәримуллин исемендәге IV республикакүләм фәнни–гамәли конференция үтте. Мәктәбебезнең XI сыйныф укучылары Гыйлметдинова Илсинә (“Тарих” секциясе) һәм Галимҗанова Рәфидә (“Татар филологиясе” секциясе) бу конференциядә уңышлы чыгыш ясадылар. Илсинә II нче, Рәфидә III нче урынга лаек булды. Афәрин! (Җитәкчеләре – Ярмиева Г.М., Шакирова З.Р.)

    24 нче март көнне VI сыйныф укучылары сыйныф җитәкчеләре Галиева Гөлназ Хәмит кызы җитәкчелегендә “Нарат” боз сараенда булып, бергәләшеп тимераякта шудылар, рәхәтләнеп ял иттеләр.

    Укучыларның язгы каникуллары дәвам итә. Тик шулай булса да алар мәктәпне дә онытып бетермиләр. 9,11 нче сыйныф укучылары ОГЭ һәм ЕГЭга, 4-5 нче сыйныфлар  ВПРга, кемдер конкурска әзерләнә. Фәннәрне авырдан үзләштерүче укучылар белән индивидуаль эш алып барыла.