Мәктәптә бәрәңге алдык.Үзебезнең җәйге эш нәтиҗәләребез бик яхшы!

     9 нчы сыйныф укучылары, сыйныф җитәкчеләре Насибуллина Ландыш белән, Бөек Ватан сугышында һәлак булган солдатларыбыз истәлегенә куелган һәйкәл янын чүптән һәм агачлардан чистарттылар. Алар сугышта ятып калган авылдашларына, бабаларына булган хөрмәтләрен шушы кылган гамәлләре аша курсәттеләр.

Шәфкатьлелек атналыгында 8 нче сыйныф укучылары Гайнавал әбигә булыштылар: кызлар балан җыйдылар, малайлар җир казыдылар.

 5 - 10 сентябрьдә  безнең мәктәп  «Аеклык  бәйрәме» республика акциясендә катнашты. «Аеклык  бәйрәме» , "Пиво- алкоголизмга юл" ,  "Без сәламәт яшәү рәвеше өчен " дигән темаларга класс  сәгатьләре  узды. 

Башлангыч класслар укытучысы  Зилә Фатиховна "Сәламәт тәндә -сәламәт акыл " дигән темага класс сәгате үткәрде.

5,6 нчы сыйныф укучылары Гөлүсә апага барып бакчасында көзге уңыш җыярга булыштылар.

   Бүгенге көндә юлларга чыгу, аны хәвеф-хәтәрсез, исән-имин үтәр өчен тиз фикер йөртә белү, тирән белемнәр, аларны дөрес куллану күнекмәләре кирәк. Без, башлангыч сыйныф укучылары бүген белемнәребезне тулыландыру өчен "Юлда йөрсәң бул өлгер, юл кагыйдәсен син бел!" дигән темага класс сәгате үткәрдек. 

  Шәфкатьле булу - барлык күркәм гадәтләрнең башы, әдәплелекнең нигезе икәнен мәктәп укучылары кечкенәдән белеп үсә. Кешелекле булу һөнәр түгел, һәркемнең кулыннан килә торган эш. Шуңа күрә укучыларыбыз өлкәннәргә, мохтажларга, үзләреннән кечкенәләргә, кош-кортларга, хайваннарга һәрвакыт игътибарлы. Язучыларыбыз, шагыйрьләребез шәфкатьлелек турында бик матур әсәрләр иҗат иткәннәр. 5 нче сыйныф укучылары шул шигырьләрне мәктәп укучылары алдында ятлап сөйләделәр.  

   Бүген мәктәптә ГИБДД инспекторы Мифтахов А.И. башлангыч сыйныф укучылары белән очрашты. Ул укучыларга юл йөрү кагыйдәләрен искә төшерде. 1 нче сыйныф укучыларына бүләкләр тапшырды.