Без сыйныфта үзара дус яшибез. Алай гына да түгел, без мәктәптә үзебездән кечерәкләр белән дә, зур сыйныфлар белән дә дус. Дусларың күп булса яхшырак бит, шуңа күрә без, башлангыч сыйныф укучылары, бүген урамыбызга чыгып , урамнан үтеп баручы авылдашларга да дуслыгыбызны тәкъдим итеп "дуслык учлары" өләштек. 

Менә тагын җәйләр узды һәм сагынып көтеп алган 1 нче сентябрь – Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә.

              Ак алъяпкыч, ап-ак күлмәк киеп                                                                                                                                                                                                                                                Кабат ачтык мәктәп ишеген.                                                                                                                                                                                                                                                       Олы юлга алып чыккан йортым                                                                                                                                                                                                                                                Син бит безнең белем бишеге.

Бу көнне 1 нче сыйныфка килүчеләр аеруча зур түземсезлек белән көтеп алдылар.Бу уку елында 1 нче сыйныфка 4 укучы укырга керде.  Шушы көтеп алынган ямьле бәйрәм белән тәбрик итәбез, беренче кыңгырау бәйрәме белән котлыйбыз аларны!

Бүген мәктәптә 9 нчы сыйныф укучылары өчен чыгарылыш кичәсе узды. Чыгарылыш сыйныф укучыларының алтысы да кулларына аттестат алдылар. Аларны бу истәлекле һәм шатлыклы көннәре белән котлыйбыз. Хәерле ак юллар сезгә укучылар! Барлык теләкләрегез дә тормышка ашсын!

Мәдәният йорты  хезмәткәрләре һәм авыл китапханәсе  белән берлектә  мәктәп яны лагерында    "Россия- минем Ватаным" темасына телдән журнал үткәрелде.

Бүген лагерьда шахмат-шашка турниры үткәрелде.

Йомгаклау концертына әзерлек бара. Кызлар һәм малайлар күмәк биюләр өйрәнделәр.

Мәктәп яны лагерена йөрүче балалар авыл китапханәсенә бардылар. Алар анда яңа газета -журналлар карадылар, сканвордлар чиштеләр, викторина сорауларына җавап бирделәр.

Лагерьга йөрүче балаларга бүген мультфильм күрсәтелде. Ул балаларга бик ошады.

  Бүген лагерьда "Сәламәт тәндә-сәламәт акыл" темасына әңгәмә үткәрелде.

Бүген мәктәп яны ял лагерена йөрүче балалар саф һавада эстафета  уены уйнадылар, аннан соң файдалы дару үләннәре җыйдылар.