Үз хокукларыңны белү -  уңышлы киләчәкнең нигезе ул. Бу көннәрдә гимназиядә кеше хокуклары буенча Бөтенроссия бердәм дәресләре үтә. Бүген бердәм дәрес 8Б сыйныфында үтте. Дәрес барышында укучылар үзләрен кызыксындырган күп кенә сорауларга җавап ала алдылар.

Шушы көннәрдә гимназиянең 10 нчы сыйныфында Бөтенроссия хокукый диктант үтте. Алар хокук буенча һәм РФ Конституциясеннән алынган сорауларга җавап бирделәр. Әлеге диктант хокукны өйрәнү дәрәҗәсен арттыру максатыннан үткәрелә.

«Бөек Ватан сугышы тарихы буенча тест» Халыкара белем бирү акциясе укучыларның Бөек Ватан сугышы турында тарихи грамоталылык дәрәҗәсен бәяләү, Бөек Ватан сугышы турында белем алуга игътибар җәлеп итү максатыннан үткәрелә. Быел ул Билгесез солдат көнендә үтте. Безнең гимназия укучылары да әлеге акциядә катнашты.

“Гимназия хәбәрләре” электрон газетаның яңа саны дөнья күрде. Бу сан, күбесенчә, барыбызга да якын булган Әниләр көненә багышланган. Газетаның ноябрь саны белән https://gazeta.tgim1.ru/89/ сылтамасы аша таныша аласыз.

3 нче декабрь көне Билгесез солдат көне билгеләп үтелә. Бу истәлекле көннең мәгънәсе – сугыш хәрәкәтләрендә һәлак булган, ләкин шул ук вакытта исемнәре билгесез калган сугышчыларның сугышчан һәм үлемсез батырлыкларын мәңгеләштерү. Безнең гимназиядә бүген Билгесез солдат көненә багышланган радиоэфир үтте. Укучылар әлеге истәлекле көннең тарихы белән таныштырдылар һәм сугыш кырларында ятып калган ватандашларыбызга багышлап шигырьләр укыдылар.

3 нче декабрь көне 5А сыйныфында “Син дус була беләсеңме?” дип аталган сыйныф сәгате үтте. Укучылар яхшы дус булуның серләренә төшенделәр, дуслык кагыйдәләрен укыдылар. Шулай ук тормыштан алынган төрле хәлләрне тикшереп, үзләренең нинди дус булуларын ачыкладылар.

2 декабрь көнне Казан федераль университетында “Лев Толстой исемендәге конференция”нең икенче этабы үтте. Әлеге конкурста Казан шәһәренең төрле районнарыннан егетләр һәм кызлар катнашты. 9 нчы сыйныф укучысы Закирова Ильвина “Халкыбызның гүзәл энҗеләрен беләсезме?”, дип аталган фәнни-эзләнү эшен яклады һәм диплом белән бүләкләнде.

Ел саен, Халыкара Кеше хокуклары көнен бәйрәм итү кысаларында, “Кеше хокуклары” Бөтенроссия бердәм дәресе үткәрелә. Шушы көннәрдә гимназиябездә Кеше хокуклары буенча бердәм дәрес узды. Быел ул гражданлык һәм сәяси хокуклар турында Халыкара пактка кул куелуга 55 ел тулуга багышлана. Дәрес барышында укучылар күптөрле таныш булмаган төшенчәләр белән таныштылар һәм күп кенә файдалы мәгълүмат тупладылар.

Мәгълүмати стенд укучыларга мөһим мәгълүматларны, белешмәләрне җиткерү ысулларының берсе булып тора. Укучылар бик теләп әлеге белешмәләр белән кызыксыналар. Стендка урнаштырылган мәгълүматлар һәрдаим яңартылып тора. Шушы көннәрдә стендка "Сәламәтлекне яшьтән сакла!" дигән белешмә урнаштырылды. Биредә сәламәт булу  өчен укучыларга киңәшләр бирелгән.

Бүген гимназиябездә Халыкара кеше хокуклары көне уңаеннан, Бөтенроссия бердәм хокук дәресләре, викториналар, интеллектуаль уеннар үтте.

Тематик дәрес вакытында укучылар «Кеше хокуклары» тарихы турында сөйләштеләр, Кеше хокуклары гомум декларациясенең кыскартылган варианты турында фикер алыштылар, кызыклы сорауларга җавап бирделәр.