Коллектив, яшьләрнең тирәлеге үсеп килүче буынның тормышында бик зур роль уйный. Бүген гимназиядә әлеге тема буенча сыйныф сәгатьләре үтте. Укучылар яшьләр берләшмәләренең үзенчәлекләре һәм гореф-гадәтләре белән таныштылар, командада аралашу күнекмәләрен ныгыттылар. Шулай ук авыр тормыш проблемаларын хәл итү юлларын табарга өйрәнделәр.

Экологик грамоталык һәм халык арасында экологик культура булдыру максатыннан, 14-21 ноябрь көннәрендә, Бөтенроссия экологик диктант акциясе үткәрелә. Бүген гимназиябезнең 9Б сыйныфы укучылары да әлеге акциядә катнаштылар.

Гимназиябездә “Финанс грамоталыгы буенча онлайн-дәресләр” проекты буенча дәресләр үткәрү дәвам итә. Бүген “Инфляция турында нәрсә белергә кирәк?” дигән темага онлайн-дәрес үтте.

Компьютер уеннары телевидение, музыка һәм фильмнар белән күптән тиңләште инде, ә кайдадыр аларны узып та китте. Гимназиядә узган “Интернет аша уеннар: ничек куркынычсыз уйнарга” дигән сыйныф сәгатендә балалар уен сайтлары һәм комарлы уеннар сайтлары арасында аерма нидән гыйбарәт булуы турында фикер алыштылар. Кызыклы уеннар уйнарга мөмкин, әмма уеннар баланың яшенә туры килергә тиеш, дигән нәтиҗә ясадылар.

Башлангыч сыйныфлар ункөнлеге кысаларында ачык дәресләр дәвам итә. Бүген 2А сыйныфында рус теле, ә 3В сыйныфында математика фәне буенча ачык дәресләр үтте. Укучылар дәресләрдә бик актив булдылар. 

“Татар халык җырларын иң оста башкаручы сыйныф” бәйгесенә нәтиҗә ясалды. Бүген бәйгедә 5-8 нче сыйныф укучылары чыгыш ясады. Укучылар катлаулы көйләрне дә, дәртле җырларны да бик матур итеп башкардылар. Җырлаучысы булганда – җыр мәңге яши. Халык җырларын, халыкның милли көйләрен саклап, буыннан-буынга җиткерә алсак иде.

Башлангыч сыйныфларда “Без сәламәт яшәү рәвеше яклы!” дип аталган сыйныф сәгате үтте. Дәрес барышында укучылар сәламәтлеккә уңай тәэсир итүче факторлар белән таныштылар. Сәламәт булу өчен начар гадәтләр белән бәйләнмәскә, спорт белән шөгыльләнергә һәм дөрес тукланырга кирәк икәненә тагын бер кат инандылар.

Бүген 2Б сыйныфында “Татар хатын-кызлары костюмы үзенчәлекләре” дигән темага  ачык дәрес үтте. Дәреснең максаты укучыларны татар халкының милли киемнәре белән таныштыру иде. Дәрес барышында укучылар презентацияләр ярдәмендә милли киемнәр турында кызыклы мәгълүмат алдылар һәм бизәкле читек үрнәге ясадылар. Дәрес мавыктыргыч һәм нәтиҗәле үтте.

Гимназиядә башлангыч сыйныфлар ункөнлеге дәвам итә. Бүген 1А, 4А һәм 4Б сыйныфларында математика фәне буенча ачык дәресләр узды. 1 нче сыйныф укучылары мисал чишү алымнары белән танышса, 4 нче сыйныф укучылары күпурынлы саннарны язу һәм исәпләү алымнарына төшенделәр. Дәресләрдә укучылар бик актив катнаштылар.

Беренчеләрдән булып, ункөнлекне 2В сыйныфы математикадан ачык дәрес белән башлап җибәрде. Укучылар уеннар һәм презентацияләр ярдәмендә исәпләү алымнары белән таныштылар, мисаллар чиштеләр. Дәрес бик кызыклы һәм нәтиҗәле үтте.