3В сыйныфында Әниләр көненә багышланган бик матур чара үтте.  Укучылар әниләре турында сөйләделәр, аларга шигырьләр, җырлар багышладылар, әкиятләрдән өзекләр күрсәттеләр. Шулай ук үз куллары белән матур открытка ясадылар. Әниләренең портретларыннан күргәзмә дә оештырылган иде.

Сәламәтлекне ныгытуны балачактан башларга кирәк. Шуны күз уңында тотып, башлангыч сыйныф укучылары өчен физкультура дәресләрендә кызыклы спорт уеннары оештырыла. Укучылар бик теләп спортта көчләрен сыныйлар, вакытларын файдалы үткәрергә өйрәнәләр.

Терроризм белән көрәшү, аны булдырмый калу – һәр кешенең бурычы ул. Терроризм кешелек өчен зур куркыныч тудыра. Бүген гимназиядә, террорчылык акты турында ялган хәбәрләр өчен җинаять җаваплылыгы турында, сыйныф сәгатьләре үтте.

29 ноябрь көне В.И.Ленин исемендәге Мәдәният сараенда “Татар кызы, татар егете – 2021” бәйгесенең шәһәр этабы үтте. Әлеге бәйгедә Казан шәһәренең 7 районыннан егетләр һәм кызлар катнашты. Вахитов районы данын безнең гимназиянең 11А сыйныфы укучысы Зиннәтова Гүзәл һәм 27 нче гимназия укучысы Шакиров Рүзәл яклады. Алар “Таныш булыйк”, “Драматургия” һәм “Милли ашлар”ны тәкъдим итү бәйгеләрендә көч сынаштылар. Чыгышларын бик оста итеп башкарып, алар 3 нче урынга лаек булдылар. Гүзәлне зур җиңүе белән котлыйбыз, укуында һәм иҗатында зур уңышларга ирешүен телибез.

7А сыйныфы укучылары М.Горький исемендәге мәдәният һәм ял паркында булдылар. Алар сугышта һәлак булганнарга куелган һәйкәл янында батырларны 1 минут тынлык белән искә алдылар. Аннан соң бер-берсенә паркның тарихы турында сөйләделәр, соңыннан саф һавада хәрәкәтле уеннар уйнадылар. 

Әйләнә-тирә дөньяга сакчыл караш тәрбияләү максатыннан, 2 нче сыйныфта "Табигатьнең дусты бул " темасы буенча сыйныфтан тыш чара үтте. Укучылар "Табигать" темасы буенча белемнәрен күрсәттеләр,  кешенең табигатькә йогынтысы турында фикер алыштылар. Кызыклы биремнәрне чишү аларга бик ошады. 

Начар гадәтләрне профилактикалау мәсьәләләре буенча белем бирү мохитендә эшне оештыру - бу белем бирү оешмасының җаваплылыгының аерылгысыз өлеше. Шул уңайдан, гимназиядә начар гадәтләрне профилатикалау максатында, 8-10 сыйныф укучылары арасында тест үткәрелде. Укучылар әлеге өлкәдә үзләренең белем дәрәҗәләрен күрсәттеләр.

1В сыйныфында математикадан "2 санын алу һәм кушу таблицасы" темасына ачык дәрес узды. Укучылар дәрестә 2 саны кергән мисаллар чиштеләр, кызыклы биремнәр башкардылар.

Бездә “Балалар терроризмга каршы” дип аталган рәсем конкурсы үтте. Балалар рәсемнәр аша бу тискәре күренешкә үз карашларын белдерделәр һәм терроризм идеологиясенә каршы көрәшкә үзләренең кечкенә өлешләрен керттеләр.

2А сыйныфында әниләр көненә багышланган чара үтте. Укучылар матур җырлар җырладылар, биеделәр, шигырьләр сөйләделәр.