4 нче январь көнне  район күләмендә үткәрелгән мәгариф хезмәткәрләренең кышкы спартакиадасында  мәктәбебез командасы  төп белем бирү мәктәпләре арасында узган елдагыча мактаулы I урынга лаек булып, кубок һәм кыйммәтле бүләк белән бүләкләнде.  Команда составындагы хезмәткәрләребезне  зур җиңү белән ихлас котлыйбыз, сәламәтлек, яңадан-яңа уңышларга ирешүләрен телибез!

     Бүген мәктәбебез укучылары өчен Яңа ел бәйрәме үткәрелде. Бәйрәм укучылар һәм килгән кунаклар, ата-аналар күңеленә хуш килерлек итеп оештырылды. балалар Кыш бабай һәм Кар кызын каршы алдылар, аларга үзләренең җыр-биюгә, шигырьләр сөйләргә осталыкларын күрсәттеләр, алар белән бергәләп чыршы тирәли җырлы-биюле уеннар уйнадылар, күңел ачтылар. Кыш бабай уку алдынгыларын һәм бәйрәмдә катнашучыларның барысын да бүләкләде, яңа елда да зур уңышларга ирешүләрен, тагын да ныграк тырышып укуларын теләде.

   Бу көннәрдә укучыларыбыз тырышып уку белән бергә Яңа ел бәйрәмен каршыларга әзерләнәләр:  группа һәм класс бүлмәләрен бизиләр,  Кыш бабайга сөйләр өчен шигырьләр, җырлар өйрәнәләр, кызыклы тамаша әзерлиләр, чыршыны бизәү өчен уенчыклар ясыйлар һәм саф һавада кардан төрле җәнлекләрне әвәлиләр.

     17 нче декабрь көнне тәрбияче А.Н.Петрова II группа укучылары белән "Әдәплелек иленә сәяхәт" дип исемләнгән ачык чара үткәрде. Ачык чара әңгәмә рәвешендә бик җанлы итеп оештырылды ,балаларга проблемалы сораулар куеп, кызыклы җаваплар тыңланды.Мультимедияле презентация аша да балаларга күп кенә кызыклы мәгълүматлар тәкъдим ителде.

    В период с 9 по 14 декабря в школе прошла " Неделя русского языка и литературы",  В рамках недели были проведены следующие мероприятия: выставка лучших тетрадей, утренник "Великий, могучий русский язык", своя игра "В гостях у сказки". Все учащиеся приняли активное участие во всех мероприятиях.

 В рамках недели русского языка и илитературы учительница Л.Ф.Галиева  провела открытый урок в 5 класссе.

     14 нче декабрь көнне Актаныш мәдәният йортында үткәрелгән традицион Игелек марафоны вакытында  мәктәбебез укучыларына "Айяр" җавалылыгы чикләнгән җәмгыяте  тарафыннан  эш кораллары алу өчен сертификат тапшырылды. Мәктәбебез коллективы  әлеге җәмгыять җитәкчеләренә зур рәхмәтләрен белдерә.

     Бүген мәктәбебездә  ТР мәгариф һәм фән министры урынбасары Гиниатуллина Светлана Владимировна кунакта булып, интернат-мәктәпнең эшчәнлеге, балаларның  интернаттагы тормыш-яшәеш шартлары белән якыннан танышты, педагогик эшчәнлек оештыруга методик ярдәм күрсәтте.

    Мәктәбебезнең  агач эшкәртү остаханәсенә һәм тегү кабинетына  ТР мәгариф һәм фән министрлыгы тарафыннан җиһазлар (инструментлар, станоклар, тегү машиналары) кайтарылды.