22 апрель – Владимир Ильич Ленинның туган көне буларак билгеләп үтелә һәм бу көнне октябрятлар пионер сафларына кабул ителеп, муеннарына кызыл галстук тагалар иде. 9нчы класс укучысы Галиева Зөлфия, шул чорны искә алып, бүген мәктәпкә кызыл галстук тагып килде.

18нче апрель көнне “Язгы игелек атнасы” кысаларында үткәрелүче”Тарихи илебез белән танышабыз” бүлеге буенча башлангыч класс укучылары белән музейга экскурсия оештырылды. Башлангыч класслар укытучысы Миргалимова Э.В. музейдагы экспонатлар белән таныштырды. Предметларның кайда һәм кайчан кулланылуы турында сөйләде.

Район мәтәптәпләре арасында геологиядән "Фото","Рәсем" конкурслары үтте. Безнең мәктәпнең 9нчы класс укучысы Калинина Регина һәм 7нче класс укучысы Сәетгәрәев Инсаф "Туган як табигате" номинациясендә 2урынны яуладылар.

14 нче апрель көнне “Яшьлек” милли – мәдәни үзәгендә республикакүләм “Дус класс серләре” конкурсының район этабы үтте. Анда безнең мәктәптән ата – аналар комитеты членнары Мусина Гөлнара Миркасыйм кызы, Гәрәева Флүсә Сабит кызы, Ямалова Альмира Альберт кызы, Минигулова Светлана Шәехтимер кызы, Гәрәев Рамис Рәис улы, Тимиров Рәсүл Хәмит улы һәм тәрбия эшләре буенча директор урынбасары Миргалимова Эльвира Вакыйф кызы катнашып, бик уңышлы чыгыш ясадылар.

“Язгы игелек атнасы” кысаларында “Янәшәбездә өлкәннәр яши” бүлеге буенча укучылар әби – бабаларына булышуларын дәвам итәләр. Кар тараталар, чүп җыялар, су алып керәләр һәм башка эшләрдә булышалар.

Район күләмендә үткәрелгән “Гади авиамодельләр төзү” конкурсында безнең мәктәптән 5 нче класс укучысы Ахметов Раушан катнашты һәм сертификатка ия булды. Аңа киләчәктә дә уңышлар телибез. Җитәкчесе – Ахметов Рәмзил Хуҗагали улы.