География атналыгы кысаларында, мәктәптә атна дәвамында табигатьне саклауга карата рәсем конкурсы, сыерчык оялары ясау, видеороликлар карау оештырылды. " Төньяк Американың табигый зоналары" дигән темага география укытучысы Шаехова Р.Р. 7 класста ачык дәрес күрсәтте.

Бүген 1 класс укучылары Уразай балалар бакчасында кунакта булдылар. Тәрбияче Исрафилова М.Н. тарафыннан рус теленнән тулы эчтәлекле ачык дәрес  күрсәтелде, бакчада тәрбияләнүче балалар бик яхшы әзерлекле " Колобок" әкиятен тамашачылар хөкеменә тәкъдим иттеләр. Әлеге чаралардан һәркем канәгать калды. 

Бүген, география атналыгы кысаларында, "Табигать. Кеше. Киләчәк" дип исемләнгән экологик чара узды. Укучылар кызыклы мәгълүматлар белән таныштылар, күп кенә экологик проблемаларга җавап эзләделәр, аларны чишү юлларын таптылар. 6-9 класс укучылары ике командага бүленеп, төрле сорауларга җавап биреп үз белемнәрен сынадылар. Ахырдан җиңүче укучылар билгеләнде, бүләкләр тапшырылды.  Чараны оештырды: Шехова Р.Р.

3-8 апрель география атналыгы дип игълан ителде. Атналык "Табигать һәм без" дип исемләнгән мәгълүмати бишминутлык белән башланып китте, тулы эчтәлекле стенгазета чыгарылды. Укучыларны алдагы көннәрдә бик күп конкурслар көтә. Аларга уңышлар телибез!

1 нче апрель көнне районда узган баскетбол ярышында егетләр командасы II урынга лаек булды. Егетләрне җиңүләре белән котлыйбыз, киләчәктә дә уңышлар теләп калабыз!

Бүген мәктәптә кошларга багышланган кичә үткәрелде. Укучылар кошлар турында кызыклы мәгълүматлар белән таныштылар,викторина сорауларына җавап бирделәр. Кичәне оештырды: Шәрипова А.Ф.

31 нче март көнне Уразай һәм Зөбәер мәктәбе укучыларының егетләр командасы арасында баскетбол ярышы узды. Безнең мәктәп командасы җиңү яулады. Җитәкчеләре: Закирянова Т.Р. Котлыйбыз!

27 марта прошёл районный конкурс молодых учителей русского языка и литературы "Я - учитель-словесник". Гибадуллина Сюмбель Флусовна заняла  II место. Поздравляем!

16 нчы мартта инглиз телендә үткәрелгән "Старые сказки на новый лад" театр конкурсында башлангыч класс укучылары "Шалкан" әкиятен сәхнәләштерделәр. "Иң оригиналь бизәлеш" номинациясендә җиңүче исеменә ия булдылар. Җитәкчеләре: Саетова А.Х.

17 нче мартта "Живая классика" конкурсының район этабы үтте. Әлеге конкурста 7 класс укучысы Фарисова И. һәм 8 нче класс укучысы Хөснетдинова Э. призер дипломнары белән бүләкләнделәр. Җитәкчеләре: Гибадуллина С.Ф. Уңышлары белән котлыйбыз!