Башлангыч сыйныф укучылары арасында район күләмендә үткәрелгән  проектлар конкурсында 2 нче сыйныф укучылары Маликов И. һәм Валиева А.  (укытучылары Муллахметова А.Ф.) 2 урынга ия булдылар.  Алга таба да уңышлар телибез!

Кичә мәктәптә 5-9 класс егетләре катнашында "Ягез әле, егетләр!" дип исемләнгән чара узды. Егетләр ике командага ("Бөркетләр" һәм "Сакчылар") бүленеп үзара көч сынаштылар. Нәтиҗәдә, "Бөркетләр" командасы җиңүче дип табылды. Котлыйбыз! Чараны оештырды: Закирянова Т.Р.

Бүген башлангыч класс укучылары Уразай балалар бакчасында кунакта булдылар. Бакчада тәрбияләнүче балалар тәрбияче апалары Исрафилова М.Н. җитәкчелегендә, бик яхшы әзерлекле " Волк и семеро козлят" әкиятен  рус телендә яшь тамашачыларга  тәкъдим иттеләр. Әлеге тамашадан һәркем канәгать калды. Нәни артистларга уңышлар телибез!

 Бүген мәктәптә балачак иленең иң гүзәл бәйрәме - Әлифба бәйрәме узды. Укучылар бик матур итеп чыгыш ясадылар: җырладылар, шигырь сөйләделәр, төрле кызык сорауларга җавап биреп үз белемнәрен күрсәттеләр. Бәйрәм бик күңелле үтте. Беренчеләрне зур җиңүләре белән чын күңелдән котлыйбыз! Бәйрәмне оештырды: Шәрипова Алсу Флүр кызы.

"Йолдызлык - 2018" фестивале ахырына якынлашып килә. 12 февраль көнне  "Вокал -соло" номинациясендә 5 нче класс укучысы Маликова Азалия, 8 нче  класс укучысы Фарисова Ильвина чыгыш ясаса, 13 февраль көнне “ Хореография” номинациясендә кызлар һәм малайлар үз чыгышларын  тәкъдим иттеләр.

Хәрби-патриотик айлык кысаларында бүген мәктәптә "Смотр строя и песни" конкурсы үткәрелде. Укучылар өч командага бүленеп үз чыгышларын күрсәттеләр. Болар: 9-8 класс, 6-7 класс, 5 класс. Нәтиҗәдә, 6-7 класс укучыларыннан төзелгән команда иң күп очко җыеп, җиңүче булды. Котлыйбыз! Конкурсны оештыручы: Гимазов Н.Ф.

Хәрби-патриотик айлык кысаларында бүген мәктәптә чаңгы ярышы, винтовка сүтеп җыю, иң төз атучы кебек бәйгеләр үткәрелде. Укучылар бик актив рәвештә үз көчләрен сынадылар. Җиңүчеләр билгеләнде.

«Йолдызлык – 2018» фестиваленең беренче туры үтте. Укучыларыбыз җыр, бию номинацияләрендә уңышлы чыгыш ясап, алдагы турга үттеләр. Уңышлар телибез!

Мәктәптә хәрби-патриотик айлык игълан ителде. Әлеге айлык кысаларында бик күп чаралар, ярышлар үтәчәк. Укучыларга уңышлар телибез! 

Математика һәм информатика атналыгын йомгаклап, 5-6 класс укучылары арасында "Математик карусель" уены оештырылды.Укучылар ике командага бүленеп үз көчләрен сынадылар. Нәтиҗәдә, дуслык җиңде.