21 октябрь көнне Салахов Данияр, Гаттаров Хәйдәр, Шаймарданов Нияз, Шаймарданов Рияз, Латыйпов Илзир, Хабетдинов Айназ составындагы команда районкүләм волейбол ярышында 3 нче урынга ия булдылар. Уенчыларны уңышлары белән котлыйбыз!

11 октябрь көнне район үзәгендә СССРның спорт мастеры Ф.Ш.Шаемов призына “Алтын көз” исеме астында җиңел атлетика кроссы булып узды. Ярышта мәктәбебезнең 9 нчы сыйныф укучысы Шаймарданов Рияз 2000 м га йөгерү буенча  1 урынга лаек булды. Котлыйбыз!

Бүген мәктәптә Укытучылар көненә багышланган бәйрәм кичәсе оештырылды. Кунак итеп ветеран укытучылар чакырылды. Бәйрәм җыр-биюләр белән үрелеп барды. Өлкәннәребез укучыларыбызга үзләренең матур киңәшләрен җиткерделәр. Барлык укытучыларны бәйрәм белән котлыйбыз!

 28 сентябрь көнне  мөгаллимнәрне һөнәри бәйрәмнәре белән тәбрикләү тантанасы уздырылды. Бәйрәм чарасы район мәдәният йортында оештырылды.

21 нче сентябрь - Бөтендөнья Тынычлык көне.  Җир шарының күп кенә өлешендә кешеләр тыныч тормышта, аяз күк йөзе күреп яши, балалар шатланышып мәктәпләрдә укый. Ләкин, кызганычка каршы, сугыш, канкоеш барган илләр дә юк түгел. Шушы җәһәттән чыгып, Берләшкән Милләтләр Оешмасы әлеге көндә сугыш  барган илләрдә дә кораллы хәрәкәтләрне туктатып торып, Тынычлык урнаштырырга чакыра.  Әлеге уңайдан,  мәктәбебездә тынычлык дәресләре оештырылып, зәңгәр күккә кәгазь күгәрченнәр очырылды.

18 нче сентябрь көнне укучылар укытучылар белән берлектә табигатькә экскурсиягә чыктылар. Көзге табигатьтәге үзгәрешләрне күзәтеп, төрле кызыклы уеннар уйнап, күңелле ял иттеләр.

 Кичә районда "Чәчәкләр бәйрәме" үтте. Безнең мәктәптән  панно, бүлмә гөлләре күргәзмәсе әзерләнде. "Чәчәкләр патшабикәсе" укучылар бәйгесендә 8 нче сыйныф укучысы Фарисова Ильвина катнашты.

Бүген ата-аналар җыелышы үткәрелде. Яңа уку елына максатлар, бурычлар турында әйтелде. Җыелышта полиция майоры Ахунова Ания Анил кызы катнашты.

Сентябрь аенда "Экстремизмга-юк!" акциясе бара. Шул уңайдан, полиция вәкиле Галиакберов Раушан Рәшит улы укучылар белән әңгәмә үткәрде.

Юл йөрү кагыйдәләрен искә төшерү максатыннан, бүген класс сәгатьләре үткәрелде.