22 март көнне Актанышның “Балалар иҗат үзәге” базасында "Без бергә"  дип исемләнгән Республика күләмендә оештырылган иҗат фестиваленең муниципаль  этабы булып узды. Сәнгатьле сөйләм номинациясендә Фарисова Ильвина 3 урынга лаек булды.

21 нче март көнне ата-аналар җыелышы узды. Җыелышта ирешкән уңышлар һәм алда торган бурычлар белән таныштырылды. Бердәм мәктәп формасы булдыру турында сөйләшенде. Әңгәмә класс җитәкчеләре белән сөйләшү рәвешендә дәвам итте.

3 нче чирек төгәлләнергә санаулы көннәр калып бара. Фәннәр буенча укучыларның белемнәрен тикшерү, бәяләү буенча административ контроль эшләр дәвам итә. Барлык укучыларга да уңышлар, чирекне яхшы билгеләргә генә тәмамлауларын телибез.

15 нче март көнне  “Көнгерә” халыкара  математик уеннары уздырылды. Безнең мәктәп укучылары да читтә калмады – 15 укучы үз көчләрен сынап карадылар. Укучылар логик фикерләүгә мәсьәләләр чиштеләр.

Богады мәктәбендә башлангыч класс укытучыларының “ФДББ стандартларын тормышка ашыру шартларында кече яшьтәге мәктәп балаларында уку компетентлыгын формалаштыру” темасына  төбәкара семинар булды. Әлеге семинарда безнең мәктәптән Салахова С. Р. катнашты.

Башлангыч класс укучылары 8 нче март белән котлап, әниләрне кунакка чакырдылар.Балалар җырлап-биеп, шигырьләр сөйләп, әниләренә  осталыкларын күрсәттеләр, үз куллары белән эшләгән бүләкләрен тапшырдылар. Әниләр өчен  кызыклы уеннар оештырылды.  

Бүген "Ягез әле, кызлар!" кичәсе үткәрелде. Кызларыбыз ике командага бүленеп, төрле конкурсларда үзләрен сынадылар. Нәтиҗәдә, "Умырзая" командасы "Девчата" командасыннан бераз өстенрәк булып җиңү яулады. Котлыйбыз! Чараны оештыручы:Басыйрова Р.Р.

Бүген  8 нче март белән котлап, укучылар тарафыннан бәйрәм концерты оештырылды. Бәйрәмгә ветеран укытучылар да чакырылган иде. Чараны оештырды: Саетова А.Х. 

Бүген 5-9 класс укучылары арасында "Күңелле стартлар" уены оештырылды. Укучылар үзләрен җитезлектә, өлгерлектә сынадылар. Уенны оештырды: Закирянова Т.Р.

 "Мәгариф идарәсе" планы нигезендә һәм укучыларның интеллектуаль потенциалын үстерү максатыннан 27 февраль көнне Пучы урта мәктәбендә "Физик огонёк" уенында безнең мәктәптән   Салахов Данияр, Шарипова Ләйлә, Шайдавлетова Язилә составындагы команда катнашып, уңышлы чыгыш ясадылар.