Бүгенге көн иртәнге линейкага җыелудан башланып китте. Иртәнге аштан соң “Чиста булыйк!” дигән темага әңгәмә үткәрелде. Аннан соң балалар ике командага бүленеп “Әкиятләр иленә сәяхәт” дигән брейн-ринг уен – ярышта  катнаштылар. Балалар үзләренең бик күп әкиятләр белүләрен, тапкыр һәм зирәк булуларын күрсәттеләр. Төшке аштан соң, лагерьга йөрүче балалар 1 сәгать чәчәк түтәлләрендә үскән чүп үләннәренә каршы “көрәш” алып бардылар, су сиптеләр. Алар артыннан чәчәкләр “елмаеп” калдылар. Бүгенге көнебез дә бик файдалы узуына балалар бик шатланышып таралдылар.  

    Барлык балалар да иртәнге линейкага тезелеп бастылар. Көн тәртибе аңлатылды. “Табигать – яшел аптека” темасына әңгәмә үткәрелде. 2015 – ел Әдәбият елы уңаеннан “Мәңге яши, яшьни яшь Тукай” дигән тема астында Г.Тукай сүзләренә язылган җырлар өйрәндек. 

Бүген, 8 нче июньдә, “Салават күпере” лагеренда “Сак йөрегез зур юлларда” исемле чара уздырылды. Балалар юл йөрү билгеләрен искә төшерделәр, табышмак-сорауларга җаваплар таптылар, җырлар башкардылар, шигырьләр сөйләделәр. Балалар юл йөрү кагыйдәләре буенча үзләренә тагын да күбрәк мәгълүмат тупладылар

     Бүген “Юк дип әйтергә өйрән!”дигән темага наркоманияга каршы рәсем конкурсы үткәрелде. Балалар бу рәсемнәрне бик теләп ясадылар. Конкурстан соң “Җәйге дискотека” да балалар бик рәхәтләнеп биеделәр. Бүген дә өйләргә күтәренке күңел белән таралыштык.

Бүген лагерьда ял итүче балалар  белән   каенлыкка поход  оештырылды. Балалар  саф һавада хәрәкәтле уеннар уйнадылар, яңа җырлар  өйрәнделәр. Каенлыкны җыештыру максаты белән корыган агач ботакларын җыеп, алардан шалаш ясау балаларга бик ошады

       Бүген лагерьда - Спорт һәм Сәламәтлек көне. Иртәнге аштан соң "Сәламәт булыйм дисәң... " дигән темага әңгәмә уздырылды. "Спорт көне"  ндә бик күп спорт уеннары уйналды.   “Спорт көне"  сәламәтлек өчен файдалы көн булды

Безнең балалар шашка, шахмат уеннарын бик теләп һәм яратып уйныйлар. Бүген дә саф һавада булганнан соң, бу уеннарны бик рәхәтләнеп уйнап алдылар.

Иртәнге аштан соң отряд урыннарын бизәүне дәвам иттеләр. Аннан соң “Артышлык” ка экскурциягә бардык. Анда төрле-төрле уеннар уйнап күңел ачттык. Төшке аштан соң “Исәнме, җәй!” темасына дискотека булды. 

Һәр елның җәй башында бөтен Җир шары иң матур һәм иң якты бәйрәмнәрнең берсе булган Халыкара балаларны яклау көнен билгеләп үтә. 1 июнь көне кечкенәләрнең зурлар ярдәменә һәрдаим мохтаҗ булуларын искәртеп торган көн. Балаларның киләчәген бәхетле итү –  ул безнең бурыч.

Халыкара балаларны яклау көне сөенечле мизгелләр – көтеп алган каникуллар башлану чоры белән туры килә. 

Кадерле балалар, сәламәт, акыллы, белемле һәм игелекле булып үсегез! Сез – безнең киләчәгебез, безнең өметебез! Бәйрәм белән!