24 апреля 7 обучающихся 4-х классов приняли участие в  мониторинге оценки качества образования в начальной школе . В этот день выпускники начальной школы писали итоговую работу по математике.

Бүген  яраткан шагыйребез  Габдулла Тукай әкиятләре һәм шигырьләре  сәхнәләштерелде.

    1-8  нче сыйныф укычылары  башкару осталыгы ,сәхнә культурасы, матур костюмнар белән тамашачы күңелен яулады. 

Бүген 10 нчы класс укучылары ABBYY Мониторинг компаниясе  уздырган  чираттагы республикакүләм  мониторингта  катнашып, физика һәм җәмгыять белеме фәннәре буенча  белемнәрен сынадылар.

Яхшылык! Нинди генә изге эшләрне алмый бу тылсымлы сүз үз эченә. Кешеләргә яхшылык кылу, табигатьне саклау, мәрхәмәтлелек, үзара ярдәмләшү, әйләнә-тирәбезне чәчкәләргә күмү – болар барысы да “Мәрхәмәтлелек” акциясе чараларының берсе булып тора. Әлеге акция кысаларында, план нигезендә , төрле чаралар үткәрелә.

22 апрель көнне бөек шагыйребез Г.Тукайның тууына 129 ел тулу уңаеннан "Тукай - безнең күңел түрләрендә" дип исемләнгән шигырь бәйгесе үткәрелде. Бәйгедә барысы 60 тан артык шигырь укучы катнашты.

"Кояшкай" балалар бакчасыннан:

1 урын-Нәркизә Файз р ахманова, Алинә Ганиева.

2 урын- Шакирова Рания, Гибадуллин Илзат.

3 урын- Асатова Илзирә.

Башлангыч сыйныф укучылары арасында:

1 урын- Бикулова Иллария, Сибгатуллин Наил.

2 урын- Файзрахманов Райнур, Шакиров Рәзил.

3 урын- Фахр е тдинова Илзирә.

5 7 сыйныф укучылары арасында:

1урын- Гибадуллина Алсу, Файзрахманова Рүзилә, Мусина Әдилә.

2 урын- Әхмәтҗан ОВА Люзия.

3 урын- Сибгатуллина Зилә.

Фаягөл Гатауллина "Иң сәнгатьле шигырь сөйләүче" исеменә лаек булды.

Бәйгедә катнашкан укучыларга зур рәхмәтебезне белдерәбез. Киләчәктә дә уңышлар телибез.

Мәктәбебездә  бөек шагыйребез  Габдулла Тукайның 129 еллык юбилеен каршылап бик күп чаралар үткәрелә . Бүген югары сыйныф укучыларыбыз   Г.Тукайның тормыш һәм иҗат юлына  багышланган  иҗади һәм фәнни – тикшеренү эшләрен якладылар .     Якташыбыз Г.Тукайның исеме, иҗаты һәм мирасы  беркайчан да онытылырга тиеш түгел. 27 генә ел яшәп тә гасырлар буе өйрәнерлек мирас калдыра алган бит  татар егете!

      Шагыйрьнең   иҗаты безнең буыннар өчен дә әхлакый идеал, үз халкыңа һәм илеңә эчкерсез хезмәт итү өлгесе булып тора. Тукайның үлемсез иҗаты барчабызны игелекле эш-гамәлләргә җилкендерсен,  милли мәдәниятебезне үстерүдә юл күрсәткән йолдыз булып балкысын!

“Мөстәкыйль балалар” төркеме чыгышы белән башланып китте бүгенге көн.Сыйныфларда тәрбия сәгатьләре дә шушы тематиканы үз эченә алды. Балаларның елмаюы урамга да күчте.Кулдан эшләнгән чәчәкләр бүләк итү , яз белән котлау, матур сүзләр әйтү – һәр кешене елмаерга мәҗбүр итте.Һәр көнегезне елмаюдан башлагыз! Уңышлар Сезгә!

Апрель җитсә исемеңн

Җырына куша тургай.

Милләтемнең кояшы син

 И моңлы, нурлы Тукай!

      20 нче апрель көнне мәктәбебездә 1-4 класслар арасында "Тукай эзләре буйлап" дип исемләнгән зирәкләр һәм тапкырлар бәйгесе үткәрелде. Бәйгедә "Шүрәле" һәм "Акбай" командалары көч сынашты. Укучылар Г.Тукайның тормыш юлы, иҗаты турында сорауларга җавап бирделәр, шигырьләрен яттан сөйләделәр, әкият геройларына иллюстрацияләр ясадылар. Бәйгедә "Шүрәле" командасы җиңүче булды. Кичә "Туган тел" җыры белән тәмамланды.

20 нче апрельдә мәктәпкә  “Арча профессиональ агропромышленность көллияте” хезмәткәрләре килде. Алар укучылар каршында эчтәлекле чыгыш ясадылар, Дәүләт автоном профессиональ белем бирү учреждениесе белән таныштырдылар,  көллият тормышы турында фильм күрсәттеләр, буклетлар өләштеләр, үзләренә укырга чакырдылар. Ахырдан укучыларның сорауларына җавап бирделәр.

Татарстан Республикасы мәгариф һәм фән министрлыгы Татарстан Республикасы язучылар берлеге , Казан(Идел буе)федераль университеты  белән берлектә "Илһам" бөтенроссия яшь язучылар бәйгесенең йомгаклау кичәсе булды. Әлеге бәйгедә катнашып безнең мәктәп укучысы Хисамиев Булат бәйге лауреаты исемен алды.  Татарстан Республикасы Мәгариф һәм фән министрлыгының дипломы һәм истәлекле бүләккә лаек булды.Кичәдә күренекле язучылар , фән эшлеклеләре белән очрашу, Казан шәһәренең истәлекле урыннарына сәяхәт оештырылды.