7 май көнне Акчишмә башлангыч мәктәбендә Бөек Җиңүнең 70 еллыгына багышланган "Җиңү алып килгән язлар..." дип исемләнгән бәйрәм чарасы үткәрелде.
Мәктәпкә тыл ветераннары hәм сугыш чоры балалары чакырылды. Тыл ветераннары балаларга үзләренең сугыш чорындагы балачаклары, ачы язмышлары турында сөйләделәр. Алар хәзерге мәктәп белән элеккеге уку шартларын чагыштырып, дөньялар тыныч булсын, балалар шундый якты матур мәктәпләрдә тырышып укысыннар дип, теләкләр теләделәр. Ә укучылар аларга җыр hәм шигырьләр бүләк иттеләр. 

    4 нче майда узган “Арчаның талантлы яшьләре”  тантанасында мәктәбебезнең  4 укучысы катнашты  . 9 нчы сыйныф укучысы Сәлимҗанова Гөлинә, 11 нче сыйныф укучылары Әүхадиева Айсинә , Кавиева Нәркизә ,  Фәхретдинова Илүзә    төрле дәрәҗәдәге  олимпиадаларда,  фәнни-эзләнү өлкәсендә һәм укуда  ирешкән уңышлары өчен  районның махсус стипендиясенә ия булдылар .  Кызларны зур җиңүләре белән чын күңелдән котлыйбыз! Киләчәктә дә зур уңышларга ирешүләрен телибез.

     "Бөек Җиңүгә  70 "5" ле акциясенең мәктәп турына йомгак ясалды. Мәктәп укучылары бу акциягә бик теләп катнаштылар. Бәйгедә  өч яшь категориясендә  җиңүчеләр билгеләнде : 3 класс укучысы  Шакиров Рәзил 124  "5" ле ,   7 нче класс укучысы Гарифуллина Айгөл  169   “5” ле , 8 нче класс укучысы Вәлиева Рәмизә 154 “5” ле билгесе туплады.  Афәрин, укучылар ! Гел шулай “5” ле билгеләренә генә укыгыз,  киләчәктә дә зур уңышлар сезгә!

      Сегодня на базе Арской гимназии № 5 прошел  районный конкурс-соревнование юных инспекторов движения   “Безопасное колесо -2015” . Наша команда заняла 1 место и показала хорошие результаты на различных этапах:

 Шарипов Ильфат - 1 место на этапе   «Фигурное вождение велосипеда»

                                 - 1 место на этапе «Доврачебная помощь»

Авхадиев Рузаль –2 место на этапе “ Страховой агент”

Файзрахманова Гузель – 3 место по ПДД

Молодцы, ребята! (Руководитель команды Лутфуллин Р.Р.)

"Алиш эзләреннән" 1 төбәкара  фәнни -гамәли конференциясенең  "Шигърият бакчасында" секциясендә 8 нче класс укучысы Хисамиев Булат 1 нче урынга, 7 нче класс укучысы Гатауллина Фаягөл лауреат дипломына лаек булды. Әлеге укучыларны иҗади җиңүләре белән котлыйбыз! Киләчәктәге бәйгеләрдә дә  уңышлар теләп клабыз.

30 нчы апрель көнне  елдагыча, бәйрәм көннәре алдыннан, мәктәп ярминкәсе гөрләде. Авыл халкы ярминкәгә агылды. Көннең искиткеч матурлыгы, бәйрәм тантанасы, җыр-моң  - берәүне дә битараф калдырмады. Ә ярминкәдә ниләр генә юк : тәмле-тәмле ризыклар, бәйләнгән, чиккән кул эшләнмәләре, яшелчә, җиләк-җимеш , гөл үсентеләре, салатлар, кайнатмалар һ.б.  11 нче сыйныф укучылары чәй өстәле дә әзерләгәннәр, рәхим ит!

Ярминкә бик күңелле узды, килгән һәр кеше рәхмәт әйтеп, шат күңел белән таралышты. 

Хөрмәтле дуслар! Сезне чын күңелдән Яз һәм Хезмәт бәйрәме белән котлыйбыз! Барыгызны да яшел чирәмнәре шытып чыккан, каеннары яфрак ярган, умырзаялары чәчкә аткан Яз бәйрәме – Беренче Май белән!  Майның җылы кояшы  Сезгә үз энергиясен биреп, эшләрегез уңышлы булсын!  Язның сулышы, дәрте, илаһи мәгънәсе күңелегезгә нур өстәсен. Дөньялар тыныч, имин булсын!Барыгызга  да нык сәламәтлек, гаилә иминлеге, матур тормыш телибез!

Ярминкәгә чакырабыз,

Рәхим итеп килегез,

Тәмле сыйлар, шәп товарлар

Сезне көтә , күрегез.

Татар халык ашлары

Барысы да бар бездә

Гөбәдияләр , чәкчәкләр,

Тәкъдим итәбез сезгә.

30 апрель  көнне Арча шәһәренең үзәгендә наркотикларга каршы  һәм Бөек Җиңүнең 70 еллыгы уңаеннан бию марафоны  -  Флеш моб батлл уздырылды. Әлеге марафонда укучыларыбыз бик теләп катнаштылар һәм уңышлы гына чыгыш ясадылар.  

Республикабызда санитар-экологик икеайлык бара. Аңа без дә теләп кушылабыз. Тәртип, чисталык, матурлыкны һәркайсыбыз ярата.Ә моны булдыру  һәм саклау бары үзебездән тора.Менә көтеп алган җылы көннәр дә  җитте. Тирә-юньне чистартырга мөмкинлек туды. Без бергәләп эшкә тотындык һәм тиз арада бик күп эшләр башкардык.