29 нчы апрель көнне, 4 нче сыйныф  укучылары татар теленнән мониторинг тикшерү эшен башкардылар. Укучыларның татар теленнән белем дәрәҗәсе тикшерелде.Бу мониторингта 7 укучы катнашты.

Армспо́рт (1996 елга кадәр - армрестлинг) - спортның бергә-бер көрәш төре. 

     25 апрель көнне  Арчада  мәктәп укучылары  арасында армспорт буенча ярыш булып узды. Безнең  мәктәп  командасы да катнашты һәм уңышлы чыгыш ясады.

    Безнең җиңүчеләребез:

    Файзрахманова Рузилә – 1 урын

    Сафин Рәдис – 3 урын

    Ахметгалиев Ленар – 3 урын

    Файзрахманова Гөлзилә – 3 урын

    Мөхәммәтҗанов Инсаф – 3 урын

    Җиңүчеләрне чын күңелдән котлыйбыз! Киләчәктә дә зур уңышлар ,  нык сәламәтлек телибез!

Районның  иң яхшы җырчылары , шигырь сөйләүчеләре , шигырь иҗат итүчеләре билгеле булды. Яшь талантлар арасында мәктәбебез  укучылары да булуы безне бик сөендерде.  7 нче сыйныф укучысы Гатауллина Фаягөл  “Г.Тукай шигырьләрен сәнгатьле уку “ номинациясендә, 9 нчы сыйныф укучысы Әхмәтгалиев Ленар “Тукай варислары” номинациясендә I  дәрәҗә Дипломга ия булдылар. Аларны чын күңелдән җиңүләре белән котлыйбыз , киләчәктә дә  зур уңышлар телибез! 

 Кысна башлангыч мәктәбендә "Г. Тукай атналыгы " үтте. Укчылар бөек шагыйребезнең тормыш юлы һәм иҗаты белән таныштылар, шигырь һәм рәсем конкурсларында актив катнаштылар. Шагыйрьнең әсәрләрен сәхнәләштерделәр. Атналык   тамчы-шоу белән тәмамланды.

26 нчы апрель- бөек шагыйребез Г. Тукайның туган көне.Татар халкы сөекле шагыйренең  туган көнен зурлап билгеләп үтә. Безнең мәктәбебездә дә шул уңайдан күп чаралар үтте. 25 нче апрельдә 5- 7 нче сыйныф укучылары белән берлектә  “Безнең йөрәкләрдә син, Тукай” дигән әдәби- музыкаль чара  уздырылды. Укучылар  шагыйрьнең шигырьләрен сөйләделәр, Г. Тукай сүзләренә язылган җырларны башкардылар, әкиятләрен сәхнәләштерделәр

24 апрель көнне   Кырлайда  Габдулла Тукайның иҗади мирасын өйрәнүгә багышланган IV Республикакүләм Габдулла Тукай укулары булып узды. Конференция биш юнәлештә эшләде. Мәктәбебез укучылары да бу бәйгедә актив катнашты  һәм җиңү яулады. «Габдулла Тукай иҗатында тәрбия темасы» юнәлеше  номинациясендә II дәрәҗә диплом  белән 10 нчы сыйныф укучысы Мөхәммәтдинова Чулпан  (җитәкчесе Әхмәтгалиева Ә.К.),  “Укучыларның мәктәп темасына үзләре иҗат иткән кыска хикәяләре”  номинациясендә III дәрәҗә диплом  белән 11 нче сыйныф укучысы  Әүхадиева Айсинә  (җитәкчесе Әүхадиева М.Р.)  бүләкләнде. Кызларны  һәм аларның укытучыларын чын күңелдән зур җиңүләре белән котлыйбыз! Киләчәктә дә зур уңышлар, яңа үрләр телибез!

20-23 нче апрельдә Казан шәһәрендә  III  Халыкара  олимпиаданың финал сынауларында катнашу өчен Россия Федерациясенең 22 төбәге һәм чит илләрдән 14-25 яшьләрдәге 500дән  артык  мәктәп  укучысы  һәм  студент чакырылды. Алар арасында мәктәбебезнең 11 нче сыйныф укучысы Әүхәдиева Айсинә дә бар. Олимпиаданың йомгаклау туры берничә этаптан торды: татар теле һәм әдәбияты буенча язма биремнәрне эшләү һәм “Минем халкым – туган төбәгем һәм мин!” темасына презентация тәкъдим итү. Айсинә әлеге чараларда уңышлы чыгыш ясап, 2 нче урынга лаек булды. Айсинәне зур җиңүе белән чын күңелдән котлыйбыз! (укытучысы Әүхәдиева М.Р.)