Мәктәбебездә өмәләр даими үткәрелә. Бу атнада  мәктәп территориясе ,  мәктәп яны  тырмаланды, чистартылды. Авыл уртасында урнашкан парк һәм һәйкәл яны тәртипкә китерелде.

Продолжаются мониторинги по предметам в 4 классе. Сегодня прошёл очередной мониторинг, оценка  метапредметных результатов  (проектная деятельность)

Бүген Ашытбаш мәдәният йортында , 2015 нче ел –Әдәбият елы һәм Бөек Җиңүнең 70 еллыгы уңаеннан ,  мәктәбебезнең иҗат концерты булып узды  Матур җырлар , дәртле биюләр,  нәфис сүз , сәхнәләштерелгән музыкаль композицияләр тамашачы күңеленә хуш килде . Укучыларның сәхнә культурасы, башкару осталыгы ,  сәхнә костюмнары,  бизәлеш тамашачыларны хәйран калдырды . Авыл халкы рәхәтләнеп ял итте һәм зур рәхмәтләр әйтеп  ,  киләчәктә дә зур уңышлар теләп таралышты.

Бүген "Казан арты" тарих-этнография музеенда "Моңлы сазым" дип аталган әдәби-музыкаль кичә булып узды. Бу кичәдә  8 класс укучысы  Хисамиев Булат һәм 10 нчы класс укучысы Мөхәммәтдинова Чулпан   чыгыш ясады.  Укучыларыбыз уңышлы чыгыш ясадылар һәм  Диплом белән бүләкләнделәр.

  17 апрель көнне Ашытбаш мәдәният йортында , Бөек Җиңүнең 70 еллыгы һәм Әдәбият елы уңаеннан  ,  Ашытбаш урта мәктәбенең иҗат концерты була .

 Башлана: 18.30 сәгатьтә. Рәхим итегез!

Россянең иң зур фәнни уку- укыту комплексларыннан берсе булган Казан федераль университетының тарихи бинасында регионара предмет олимпиадаларының җиңүчеләрен һәм призерларын бүләкләү тантанасы узды.Укучыларны университет бинасы белән таныштырдылар, тарих һәм хокук музейларына экскурсия оештырдылар.  Искиткеч тарихы һәм бөек галим-мөгаллимнәре булган диварлар кысасында үткән чара кемнең генә күңелләрен дулкынландырмады икән! Тантаналы чарада җиңүчеләрне уку йортының җитәкчеләре һәм галимнәре тәбрикләде. Мәктәбебезнең 11 нче сыйныф укучысы  Әүхәдиева Айсинә  татар теленнән җиңүче булып  I  дәрәҗә диплом белән бүләкләнде һәм истәлекле бүләккә лаек булды. Аны чын күңелебездән тәбрик итәбез!

12 апрель - Космонавтика көне. 1961 нче елның 12 апрелендә беренче булып, бортына кеше утырган космик корабль орбитага оча.. Ул - очучы Юрий Алексеевич Гагарин була. Шушы истәлекле дата буенча Кысна башлангыч мәктәбендә тәрбия сәгате үткәрелде. Өйдә 3 нче сыйныф укучысы чыгыш, 1-2 нче сыйныф укучылары рәсем әзерләп килгәннәр иде.

1961 нче елның 12 нче апрелендә дөньякүләм зур вакыйга булды. Безнең Ватандашыбыз Ю.А.Гагарин космоска юл салды. Ул Җиребезне 108 минут эчендә урап узып планетабызның матурлыгын космостан күзәтте. Юрий гагарин аркасында СССР космосны яулаган милләт буларак танылды. Шушы истәлекле дата уңаеннан, мәктәбебездә, 11-13 апрель көннәрендә Космонавтика көненә багышланган чаралар үткәрелде. Классларда тәрбия сәгатьләре, “Кеше-галәмдә! Галәмдә-кеше!” дигән викторина, әңгәмәләр узды. Ю.А.Гагаринның тормыш юлы сөйләнелде, аның галәмгә сәяхәт вакыты турында видеофильм күрсәтелде. Укучылар Ю.А.Гагарин, Г.С.Титов, А.Г.Николаев, П.Р.Попович, В.В. Терешкова һ.б. космонавтлар турында да мәгълүматлар тупладылар.

Укучыларга сыйфатлы белем бирү белән беррәттән мәктәбебездә хезмәт тәрбиясенә дә  зур игътибар бирелә.  Язгы каникул вакытында  “Яшел аптека “ операциясендә катнашып  дару үләннәре җыюны башлап җибәрдек. Укучыларыбыз каен һәм  нарат бөреләре җыялар, каен бөресе буенча мәктәбебезгә  бирелгән норма үтәлде. Бүген 7 класс укучылары нарат бөресе җыярга бардылар. Бердәм эшләү укучыларда   оешканлык, активлык тәрбияли.