6 нчы класс укучылары 23 нче май көнне Яңа Кырлай авылына Г.Тукай музеена экскурсиягә бардылар.Укучыларны музей капкасыннан кәҗә белән сарык, урман эчендә шүрәле, су буенда су анасы каршы алды. Шулай ук укучылар Сәгъди абыйның төзекләндерелгән йортында да булдылар.Укучылар Г.Тукай турында яңадан-яңа мәгълүматләр туплап кайттылар.Балаларга экскурсия бик ошады.

19 нчы майда Пионериянең туган көне уңаеннан Арча Укучылар Сарае асфальтта рәсем ясау конкурсы үткәрде. Әлеге чарада мәктәбебезнең 7 нче класс укучысы Минҗанова Фирүзә катнашты һәм "Г. Тукайның тууына 130 ел" номинациясендә 2 нче урынга лаек булды. Фирүзәне җиңүе белән котлыйбыз!

Нигматуллин Мансур Камбилович ведущий специалист исполнительного комитета Арского муниципального района,  провел профилактическую беседу с учениками нашей школы .

Бүген 5нче класс укучылары класс сәгатендә шикәр диабеты турында сөйләштеләр. Бу сырхау кандагы шикәрнең югары дәрәҗәдә булуы белән аерылып торучы хроник авыру. Укучылар кандагы шикәр күләмен тиешле нормада тотуның өч юлын карап үттеләр.Бу дөрес туклану, хәрәкәтчән һәм табиб кушкан препаратлардан файдалану. 
Туклануга килгәндә, күбрәк яшелчә, җиләк-җимеш ашарга, шикәрсез чәй эчәргә тәкъдим ителә. Макарон эшләнмәләрен, бәрәңге, сөт продукциясенең майсыз төрләрен, тавык, балык ише ризыкны чама белән ашарга, майлы ит, майонез, каймак, колбаса, ак ипи, шикәр, бал, кайнатмалардан, баллы су эчүдән бөтенләй баш тартырга яки бик сирәк кенә кулланырга кирәклеген өйрәнделәр.

Мәктәбебездә төрле - төрле темаларга тәрбия сәгатьләре булып тора. Ә бүген үзенчәлеклерәк темага багышланган тәрбия сәгате үткәрелде. 8 класс укучылары биология дәресләрендә  ашкайнату органнары турында тирәнтен өйрәнгәнлектән, бүгенге "Диабет авыруы"на багышланган тәрбия сәгатендә актив катнаштылар. Диабет авыруының килеп чыгышы, аны булдырмый калу сәбәпләрен ачыкларга тырыштылар. Көндәлек режим булдыру, аны төгәл үтәү  һәр кешенең изге бурычы икәнлеген тагын бер кат искәрттеләр.

7 класс укучылары тагын бер матур кичә оештырдылар.Ул 15 май-Халыкара гаилә көненә багышланган иде. Бу кичәгә укучылар берничә көн алдан әзерләнә башладылар. Беренче булып бәйрәм тарихы белән таныштылар. Гаилә темасына кагылышлы афоризмлар, шигырьләр табып укыдылар. Ә иң истә калганы класс белән презентация ясау булды. Барлык укучылар да гаилә әгъзаларе белән фотога төштеләр, фотоларны бергә тупладылар, фотоларга туры китереп шигырьләр таптылар. Презентация бик матур килеп чыкты. Укучыларга файдалы материал да булды,  һәр укучы  классташларның гаиләләре белән танышты. Бер- берсендәге үзгәрешләрне күреп куаныштылар да әле. Тагын бер истә калган момент- класс җитәкчесе алып килгән мәсәл булды.

Шулай итеп, 7 класс укучылары ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көнен билгеләп үтәчәгебезне онытмаслар инде.

Алып килгән афоризмнардан иң куңелгә ятышларын дә билгәләп киттек:

- Гаилә – ул җылылык, мәхәббәт, ышаныч учагы,

- Гаилә ныклы булса, дәүләт тә ныклы була,

- Үз йортында бәхетле булган гына бәхетле,

- Гаилә дус булса,өйгә бәхет тула,байлык килә

 - Әти- әни – пар канатым...

Кичәбезнең девизы итеп барыбыз да яхшы белгән шигъри юлларны алдык:

Бер ягымда –әтием.

Бер ягымда –әнием.

Уңымда да ,сулымда да

Яклар кешем бар минем.

Кичәбезне “ Гаилә учагы тормыш зилзиләләреннән саклап, үзенә тартып торсын, ата-аналар белән балалар арасындагы мөнәсәбәтләр җылы, ихтирамлы  булсын!”- дигән юллар белән тәмамлады Нурания Шайдулловна.

14 нче май көнне 3 класста Гаилә көненә багышланган "Минем гаиләм - минем терәгем" темасы астында тәрбия сәгате узды.

Халыкара гаилә көне уңаеннан 5 нче класс укучылары Алсу Рәфкатовна җитәкчелегендә "Әниләр -  гаилә үзәге!" исемле ачык чара үткәрделәр. Укучылар концерт номерлары күрсәттеләр, әниләр белән бергәләп төрле сорауларга җавап бирделәр, тормышчан ситауцияләрдән чыгу юлларын таптылар. 

7 класс укучылары Нурания Шайдулловна җитәкчелегендә Бөек Ватан сугышы ветераны Сафин Габдрахман абыйны бәйрәм белән котладылар.

Мәктәбебез укучылары "Бессмертный полк" акциясендә актив катнаштылар.