3 нче ноябрь көнне Балтачның спорт үзәгендә 2004-2005 нче елгы кызлар һәм яшүсмер егетләр арасында баскетбол ярышы булды. Анда безнең мәктәпнең егетләре 1нче урынны яуладылар. Афәрин, егетләр! Алга таба да уңышлар сезгә!

1 нче ноябрь көнне Балтач мәктәбендә Фазлыев Рамил истәлегенә багышланган шахмат ярышы узды. 3 нче сыйныф укучысы Корбанов Ильяс 2 урынны алып кайтты. Аңа алга табада уңышлар юлдаш булсын!

1 нче ноябрь көнне мәктәбебездән К. Газизуллин , Г. Шакирова , Д. Мухаметзяновалар Казан шәһәренә экскурсиягә бардылар. Алар анда К.Тинчурин исемендәге театрда “ Али баба һәм өч карак” исемле спектакль карадылар. Укучылар бик уңай хисләр белән кайтканнар.

30 нчы октябрь көнне кич белән Бөрбаш һәм Сәрдегән авылы укучыларының ата-аналар җыелышы узды. Җыелыш мәктәп директорының чыгышы белән башланып китте. Чиреккә нәтиҗә ясалды, каникул чорында укучылар һәм әти- әниләр өчен үтәлергә тиешле кагыйдәләр, бурычлар белән таныштырылды.

9, 11 нче сыйныф укучылары 30 нче октябрь һәм 1 нче ноябрь көннәрендә рус теле һәм математика буенча сынау ТДИ һәм БДИлары биреп кайттылар.

30 нчы октябрь көнне көндезге 11.00 сәг.тә Алан укучыларының ата-аналары өчен җыелыш булды. Анда һәммә класс җитәкчесе беренче чирек нәтиҗәләре белән таныштырды. Каникул чорында эш барышы һәм алдагы бурыч – максатлар әйтелде.

28 нче октябрь көнне Арчада Әтнә, Кукмара, Теләче, Саба, Биектау, Арча командалары арасында көрәш буенча зур гына турнир узды. Анда безнең мәктәптән дә укучыларыбыз катнашты. Авхадиев Ранил 2нче урын . Авхадиев Ленар 3нче урынга ия булдылар. Афәрин, егетләр!

27 нче октябрь көнне башлангыч сыйныф укучыларының әти- әниләре өчен җыелыш үткәрелде. Иңберенче мәктәбебез директоры Гүзәл Галимулловнаның чыгышы тыңланды, ә аннан соң әхлак турында Гөлнур Ильясовнага сүз бирелде. Җыелыш соңыннан һәр сыйныфта дәвам ителде. Сыйныф җитәкчеләре 1нче чиреккә нәтиҗә ясадылар, алдагы бурыч, максатлар белән таныштырдылар.

28 нче октябрь көнне Балтач администрациясенең утырышлар залында Казанда баручы Республика ата –аналарының форумы онлайн режимы уздырылды. Анда мәктәбебездән тәрбия эшләре буенча урынбасары Р.У.Валиева Һәм ата- аналар комитетыннан Л.С.Газизуллина катнашып кайтттылар.

Мәктәбебездә "Интернет челтәрендә куркынычсызлык" темасына бердәм дәресләр дәвам итә. Бүген әлеге чара 8-11 нче сыйныфлар өчен үткәрелде.