14 нче сентябрь көнне 2017-2018 нче уку елында беренче ата-аналар җыелышы булып узды. Әлеге җыелышка районыбызның эчке эшләр бүлегеннән вәкилләр чакырылган иде . Алар әти-әниләрне районда булган яңалыклар белән таныштырдылар. Мәктәбебез директоры Гүзәл Галимулловна эчке тәртип кагыйдәләре, алда торган максатлар, куелган бурычлар турында аңлатып үтте.

12 нче сентябрь көнне башлангыч сыйныфларда "Финанс грамоталыгы" темасы астында тәрбия сәгатьләре узды. Тәрбия сәгатендә укучылар гаилә бюджеты, керем һәм чыгымның мәгънәсенә төшенделәр.

Һәр атна дүшәмбе көнне иртәнге линейка үкәрелә. Линейкада үткән атна нәтиҗәләреннән чыгып "Иң актив класс" номинациясенә 3 сыйныф укучылары лаек дип табылды.

8 нче сыйныф укучылары һәйкәл тирәсен җыештырып, тәртипләп торалар.

Укучыларыбызның сәламәтлекләрен ныгыту максатыннан озын тәнефестә физзарядкалар күнелле үтә.

Укучыларыбыз “Миләш”,”Балан” операциясендә теләп катнашалар.

11 нче сыйныфларда чыгарылыш инша язу 6 декабрьдә узачак, дип хәбәр итә Рособрнадзор матбугат хезмәте. Бу хакта ТАСС яза.
"2017/18 уку елында йомгаклау иншасы 6 декабрь, 7 февраль һәм 16 майда үтәчәк. Йомгаклау иншасының нәтиҗәсе "зачет" яки "незачет" булачак. Әгәр мәктәпне тәмамлаучы имтиханда канәгатьләнмәслек нәтиҗәсе алса, аңа аны яңадан тапшыру мөмкинлеге биреләчәк", - дип белдергән матбугат хезмәте.
1 сентябрьдә Мәгариф һәм фән министрлыгы 2017-2018 уку елына сочинение темаларының биш ачык юнәлеш темасын атады. Алар «Тугрылык һәм хыянәт», «Битарафлык һәм ярдәмчеллек», «Максатлар һәм чаралар», «Батырлык һәм куркаклык», «Кеше һәм җәмгыять» («Верность и измена», «Равнодушие и отзывчивость», «Цели и средства», «Смелость и трусость», «Человек и общество») дип атала. Бу хакта министрлык сайты хәбәр итә

8 нче сентябрь көнне ОБЖ укытучысы Акбиров Рим Фәргать улы башлангыч сыйныф укучыларына пожар куркынычсызлыгы кагыйдәләре буенча тәрбия сәгате үткәрде. Ул укучыларга пожар булган очракта үз-үзеңне тоту кагыйдәләрен бик үтемле итеп аңлатты.

7 нче сентябрь көнне башлангыч сыйныф укучылары «Игътибар, балалар» операциясе кысаларында полиция хезмәткәрләре белән очрашты. Алар укучылар белән юлда үз-үзеңне тоту турында әңгәмә үткәрделәр. Укучыларга үзләренең истәлекле бүләкләрен дә тапшырдылар

Куркынычсызлык айлыгы кысаларында 5 нче класс укучылары “Укучының иминлек көндәлеге” белән танышып,мәгълүмат алдылар,велосипедчылар өчен юл хәрәкәте кагыйдәсен өйрәнделәр.