8 нче сыйныф укучысы Гафурова Әминә "Иделем акчарлагы" яшь язучылар бәйгесендә катнашып кайтты. Әминә шушы бәйгенең "Поэзия" номинациясендә актив катнашучы буларак кызыксындыру бүләгенә ия булды. Аның тагын да зуррак үрләр яулавын теләп калабыз.

25 нче ноябрь көнне әниләргә карата “Әнкәйләрнең белик кадерен” исемле концерт булды. Ул 7 нче һәм 10 нчы сыйныф укучыларының көче белән әзерләнгән иде. Концерт укучыларның үз куллары белән ясалган чәчәкләрен әниләренә бүләк итүләре белән башланды. Бәйрәмне матур шигырьләр, җыр- биюләр тагын да ямьләндерде. Афәрин, укучылар!

27 нче ноябрь көнне иртәнге линейкада дежур торган 7нче сыйныф укучылары узган атнадагы эшләргэ йомгак ясадылар. "Иң яхшы укучы сыйныф" исеменә 11 һәм 2 нче сыйныф, “Иң чиста класс” – 7 класс, “Спорт сөюче класс” исеменә 8 нче сыйныф укучылары ия булды.

24 нче ноябрь көнне 1нче сыйныф укучылары ЮХИДИ хезмәткәрләре белән очрашты. Бу очрашуда укучыларның юл йөрү кагыйдәләре буенча белемнәре тикшерелде. 1 нче сыйныф укучылары үзләренең белемнәрен күрсәтүдән тыш, светофор турында матур җырлар, юл хәрәкәтенә багышланган биюләр дә башкардылар. Очрашу ахырында ЮХИДИ хезмәткәрләре укучыларга юлларда сак булырга, юл йөрү кагыйдәләрен төгәл үтәргә кирәклеген кисәттеләр, шулай ук укучыларга истәлекле бүләкләрен дә тапшырдылар.

Хөрмәтле хезмәттәшебез Гобәйдуллина Әнисә Камил кызының 25 нче ноябрьдә олуг 55 яшьлек юбилее.
Хатын-кыз сез – Бу дөньяның йөзек кашы,
Бәһа җитмәс Иң кыйммәтле асылташы.
Горур да сез Тау кыядай, буй җитмәслек
Гүзәл дә сез Бер гөлгә дә тиңләшмәслек.
Безнең хезмәт коллективында төгәллеге, акыллыгы, сабырлылыгы, тыйнаклыгы һәм искиткеч гүзәл елмаюы белән аерылып торган, хөрмәтле хезмәттәшебез Гобәйдуллина Әнисә Камил кызының 25 нче ноябрьдә олуг 55 яшьлек юбилее....

23 нче ноябрь көнне районыбызның эчке эшләр бүлеге хезмәткәрләре белән берлектә хокук айлыгы кысаларында узучы “Наркотикларга каршы” дип исемләнгән түгәрәк өстәл артында сөйләшү булып узды. Биредә наркотиклар, укучыларны борчыган мәсьәләләр турында кара- каршы, эчкерсез әңгәмә оешты. 

20 нче ноябрь көнне педагогик киңәшмә уздырылды. Анда беренче чиреккә нәтиҗә ясалды, 1 нче һәм 5 нче сыйныфның җитәкчеләре укучыларның адаптация чорлары турында сөйләделәр. Шулай ук чыгышлар тыңланылды.

22 нче ноябрь көнне мәктәбебезнең 5 нче сыйныф укучылары һәм аларның әти- әниләре Сосна мәдәният йортында узучы “Дус сыйныф серләре” конкурсында катнашып кайттылар. Биредә алар узара ничек дус, бердәм булуларын тагын бер кат дәлилләп үттеләр.

23 нче ноябрь көнне Әниләр көне уңаеннан әхлак укытучысы Мифтахова Гөлнур Ильяс кызы әхлак нигезләрен өйрәнүче укучыларыбызның әниләрен һәм дә балаларын мәчеткә җыйнады. Биредә Рамиль хәзрәт тә чакырулы иде. Ул бик аңлаешлы һәм дә үтемле итеп Әниләр турында вәгазь сөйләде. Соңыннан сөйләшү чәй табыны артында дәвам итте. Әниләр бик сөенеп, рәхмәтләр әйтеп таралыштылар.

21 нче ноябрь көнне 3 һәм 4 нче сыйныф укучылары өчен “Бәхетле очрак” уены уздырылды. Уенда “Тапкырлар” һәм “Зирәкләр” командалары көч сынашты. Биредә туган як, туган төбәк, туган телгә карата кызыклы сорауларга җавап таптылар һәм үзләре дә кызыклы, мавыктыргыч табышмаклар алып килгәннәр иде. Нәтиҗәдә укучылар үзләренең бер зирәк һәм тапкыр булуларын исбатладылар.