Белемнәрне ныгыту максатыннан «Баллы агач» мероприятиесе узды. Төрле сынау станцияләре арткылы: ребуслар, мәсьәләләр, фразеологик әйтемнәр, татарча сүзлекләр ярдәмендә, укучылар «Баллы агач»ны тапты.

Сәламәтлекне саклау һәм ныгыту максатыннан Бөрбаш авыл ФАП шәфкать туташы Рашидә апа Зарипова укучыларга «урман бете» турында лекция укыды. Аныӊ кешегә зарары хакында аӊлатты, укучыларныӊ сорауларына җавап бирде. « Наркотикларга – юк!» темасына рсем конкурсы үткәрелде.

Лагерьныӊ бүгенге көне мавыктыргыч булды. Һәркем үз тырышлыгы белән лагерьга карата «Кычкыргычлар» (Речевка) уйлап чыгарган. Һәр отрядныӊ үз «кычкыргычын» булдырдык.
Авылыбызныӊ тарихын тирәнтен белү максатыннан «Бөр чишмәсе» неӊ башланган урынына бардык, аныӊ тәмле суларын эчеп кайттык

Лагерьдә эшләүчеләрне повар апалар тәмле ризыклар белән сыйлап торалар. 

“Наркотикларсыз тормыш” акциясе кысаларында укучыларыбыз өчен тәрбияви чаралар үткәрелә. 

Мәктәп бакчасында эш гөрли, укучыларыбыз чүп утыйлар, помидор, кәбестәләргә су сибеп төпләрен йомшарталар.

Бүген туган ягыбызны, туган җиребезне зурлап патриотик җырлар конкурсы узды. Укучыларыбыз белән «Гүзәл туган ягыбыз», «Мин яратам сине Татарстан», «Татарстан гимны»н башкардык. Укучыларыбызныӊ һәркайсы бик актив булды. Иӊ-иӊнәренә истәлекле бүләкләр тапшырылды.

Тарихи экскурсияләрне дәвам итеп Чепья авылында урнашкан «Халыклар дуслыгы музее»нда булып кайттык. Музейда бик күп экспонатлар тупланган. Музей хезмәткәрләре безне бик җылы каршы алды. Кызыклы экскурсия үткәрде. «Кояшкай» лагеры балалары, Сезгә үзенеӊ зур рәхмәтен җиткерә.

Бу көн тарихи экскурсия көне буларак истә калачак. Чөнки без Балтач районы Карадуган авылында урнашкан «Себер тракты тарихы һәм Муса Җәлил музеенда кунакта булдык. Музейда бик күп экспонатлар тупланган.
Анда безне музей хезмәткәрләре самавырлар кайнатып, тәмле чәйләр белән сыйлады. Аларга зур рәхмәтебезне җиткерәбез.

ГТО – нәрсә ул? Отрядлар арасында спорт уеннарыннан торган ярышлар узды. Спорт уеннарына багышланган викторина буенча көч сынаштылар.