“15 май Гаилә көне” уңаеннан барлык классларда да тәрбия сәгатьләре, очрашулар үткәрелде.11 класс укучылары классташлары Рөстәмнең әтисе Низамиев Рафис Равил улы белән очрашты Рафис абый үзенең тормышын, гаиләсе турында сөйләде. Укучыларга имтиханнарын уңышлы бирүләрен һәм киләчәктә матур гаилә коруларын теләп калды.

16 май көнне 5 нче сыйныф укучылары Мифтахов Фәргат Миннәхмәт улы белән очрашып “Гаилә-бәхет ачкычы” дигән темага тәрбия сәгате үткәрделәр.Әтиләр гаиләнең терәге, саклаучысы икәненә инандылар.

13 нче май көнне укучыларыбыз макулатура җыйнауда актив катнаштылар. Мәктәп буенча барлыгы 1060 кг макулатура җыелды. “Иң күп макулатура җыючы” 3 нче сыйныф укучысы Нурмиева Зилә булды. Ул 88 кг кәгазь тапшырды. Афәрин Зилә!.

16 май көнне башлангыч сыйныфларда рус теленнән, рәсем фәннәреннән арадаш аттестация үткәрелде. Укучылар үзләренең белемнәрен кабат тикшерә алдылар.

“Бәллүр йолдызчык” конкурсында актив чыгыш ясаган өчен 4 нче сыйныф укучысы Мухарлямова Динә эчке эшләр бүлеге җитәкчесенең рәхмәт хаты белән бүләкләнде.

15 май көнне 9 сыйныф укучылары өчен №2нче филиал ГАПОУ Арча аграр профессиональ колледж укытучылары белән очрашу үткәрелде.Авыл-хуҗалыгы профессияләре турында белешмә бирелде.

Бөек Җиңүнең 72 еллыгына багышланган “Оныклар Җиңүне ясый” V нче Республикакүләм конкурсының муниципаль этабында 7 нче сыйныф укучысы Гильмуллин Фәнис 2 урында калып грамота белән бүләкләнде.

Иртәнге линейкада дежур торган 9 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 4 нче сыйныф танылды.”Иң чиста класс”-10 нче сыйныф, “Спорт сөюче класс”-7 нче сыйныф,“Иң тәртипле укучылар ” – 10 нчы сыйныф билгеләнде.

15 май гаилә көне буларак билгеләнә. Бу көн уңаеннан мәктәп буенча төрле чаралар үткәрелә.

«Мәдәни көндәлек» битләренә йомгак ясалды. Башлангыч сыйныф укучылары өчен авыл китапханәсендә китап уку бәйрәме үткәрелде.