Хөрмәтле хезмәттәшебез Хөсәенова Фирания Хәниф кызының 13 нче май көнне 55 яшьлек олуг юбилее. Сезне туган көнегез белән чын күңелдән котлыйбыз! Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр,балаларыгызның һәм оныкларыгызның күңел җылысын тоеп, игелекләрен күреп,бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.
Туачак таңнарыгыз һәрвакыт нурлы,
күк йөзегез һәрвакыт аяз булсын.
Һәр яңа көн бәхет алып килсен,
Алсу таңнар күмсен шатлыкка.
Яшәү дәрте янсын йөрәгендә,
Картаерга һич тә ашыкма!
Иң изге теләкләр белән Бөрбаш урта мәктәбе коллективы .

12 май көнне барлык сыйныф укучылары макулатура тапшырдылар.

11 май көнне "Әдәп төбе-матур гадәт" темасы астында тәрбия сәгатьләре булып узды. Укучыларда күркәм сыйфатлар,әти-әниләргә ,якыннарына карата мәрхәмәтлелек,игътибарлык;барлык җан ияләренә шәфкатьлелек сыйфатлары турында сөйләштеләр.

Балтач “Хыял” спорткомплексында“Куркынычсыз тәгәрмәч-2017”конкурсы булып үтте. Безнең мәктәптән 5 нче сыйныф укучылары Галиуллин Илсаф, Вафин Динияр, Хөсәенова Зәринә, Базагутининова Диния 2 урында калып грамота һәм истәлекле бүләкләр белән бүләкләнделәр. Команданы һәм аларны әзерләгән ТИН укытучысы Акбиров Рим Фәргатовичны чың күңелдән җиңүләре белән котлыйбыз.

5-10 сыйныфлар өчен психологик мониторинг үткәрелде.

Иртәнге линейкада дежур торган 10 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 10, 4 нче сыйныф танылды.”Иң чиста класс”-7 нче сыйныф, “Спорт сөюче класс”-7 нче сыйныф,“Иң тәртипле укучылар ” – 11нче сыйныф билгеләнде.

6 нчы май көнне Норма урта мәктәбендә Татарстанның атказанган тренеры РСФСРның спорт остасы Васыйл Габделхәй улы Гарифуллин истәлегенә милли спорт көрәше ярышлары уздырылды. Безнең егетләребез әлеге ярышта катнашып призлы урыннар яулап кайттыллар. 7 нче сыйныф укучылары Әүхадиев Ранил -1 урын, Тимербаев Айрат-2 урын,6 нчы сыйныф укучысы Әүхәдиев Ленар-1 урында калып диплом һәм медаль белән бүләкләнделәр. Афәрин егетләребез! 

8 май көнне укучыларыбыз сугышта катнашкан әби-бабайлары, туганнары истәлегенә “Үлемсез полк “ акциясендә катнашып, авылыбыз урамнары буенча йөрделәр.

4 май көнне барлык классларда да “Алар Җиңү алып килде” темасы астында тәрбия сәгатьләре үткәрелде.

4 май көнне 9 нчы сыйныф укучылары Кукмара аграр көллиятеннән килгән укытучылар белән очраштылар. Киләчәктә үз һөнәрләрен авыл хуҗалыгы белән бәйләргә теләүче укучылар кызыксындырган сорауларына җаваплар алдылар.