12 - 17 нче декабрь көннәрендә Бөрбаш урта мәктәбендә рус теле атналыгы булып узачак. Укучылар иртәнге линейкада атналыкта булып узачак чаралар һәм эш бүленеше белән таныштылар.

Атналык программасы

9 нчы декабрь Ватан геройлары көне уңаеннан классларда тәрбия сәгатьләре үткәрелде.

Районнан килгән график нигезендә барлык классларда да муниципаль контроль эшләр дәвам ителә.

Укытучыларыбызга яңа ноутбуклар тапшырылды.

7 нче декабрь көнне 11 нче сыйныфлар йомгаклау иншасы яздылар.

8 декабрь көнне Балтач районында гражданнар оборонасы буенча укулар үткәрелде. Бу өйрәнүләрдә безнең мәктәп яхшы әзерлекле булуын күрсәтте.

Иртәнге линейкада дежур торган 6 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 11 нче сыйныф танылды.”Иң чиста класс”-8 нче сыйныф, “Иң тәртипле укучылар ” - 10 нчы сыйныф билгеләнде, “Иң шәфкатьле класс”-7 нче сыйныф, “Спорт сөюче класс”-6 нчы сыйныф билгеләнде.

1 нче декабрь көнне 8 нче сыйныф укучылары игенче Мотыйгуллин Расим абыйлары белән әңгәмә кордылар. Расим Мотыйгуллин ООО “Бөрбаш” хуҗалыгында механизатор хезмәтен башкара. Көзен комбайнга утыра. Язгы чәчүдә дә катнаша. Әңгәмәдә игенче һөнәренә мәдхия җырланды. Укучылар өчен бу очрашу бик файдалы булды.

Район олимпиадасында биология фәненнән призер булган укучыларыбыз 9 класс укучысы Нуретдинова Фирүзәне,7 класстан Гилмуллин Фәнисне аларны әзерләүче укытучы Сибагатуллин Мәлик Тимерхановичны зур уңышлары белән чын күнелдән котлыйбыз.

1-10 декабрь инвалидлар декадасы уңаеннан 9 нчы сыйныф укучылары Бәхәсләр клубында катнашып, мөмкинлекләре чикле булган яшүсмерләр турында видеоклип карап фикер алыштылар. Тормыш, яшәеш, сәламәтлекнең кадерен белү кебек мисаллар белән әңгәмә кордылар.