3 нче декабрь көнне мәчеттә - Мәүлет бәйрәме уздырылды.Җәлил хәзрәт һәм Арчадан килгән кунаклар матур итеп вәгазь сөйләделәр, мөнәҗәтләр көйләделер. Аннан барыбыз да тәмле аш һәм пылау белән сыйландык. Бәйрәм бик матур үтте. Соңыннан мәктәбебез директоры Гүзәл Галимулловна барлык кешегә изге теләкләрен җиткерде. Кешегә яхшылык эшли алмасагыз да, начарлык эшләмәгез дигән матур фикерләрен әйтте. Кич белән бәйрәм дәвам итте мәчеткә әниләр килделәр. Бәйрәмне оештырган барлык кешегә зур рәхмәтебезне белдерәбез.

ФОРПОСТ отрядында кергән укучыларыбыз тарафыннан мәктәбебездә төрле мероприятияләр үткәрелгәндә тәртипне саклау максатыннан дежурлык билгеләнә. Егетләребез үз эшләрендә сынатмыйлар. Афәрин!

1 декабрь көнне мәктәбебездә яшь җитәкчеләр өчен районкүләм семинар үткәрелде. Семинар ФГОСка күчү шартларында башлангыч һәм төп мәктәптә дәресләрне үткәрү структурасының сакланышы темасыны үтте. Мәктәбебез укытучылары ФГОС таләпләренә туры килгән дәресләр күрсәттеләр, җитәкчеләр өчен педогогик совет җыелышы үткәрелде. Укытучыларыбызның дәресләре анализланды ,тәкъдимнәр һәм фикер алышулар булды.

2 нче декабрь көнне мәктәбебездә менә инде өченче тапкыр Файзрахманов Гәбдрәфыйк абый призына районара шахмат ярышлары үткәрелде.Укучыларыбыз призлы урыннар яулап грамота, медальләр белән бүләкләнделәр.

1нче декабрьдә Татарстан Республикасы Мәгариф һәм фән министрлыгының республика муниципаль районнары мәгариф идарәсе җитәкчеләре белән уздырылган җыелышында өч республика бәйгесе турында игълан ителде.
- "Без бергә" балалар халык иҗаты фестиваль-бәйгесе. Максаты - балалар һәм яшүсмерләрнең сәнгати-эстетик иҗатын үстерү.
- "СОК. Стань одной командой!" - "БКӘ. Бер командага әверел!" мәктәп үзидарәләре бәйгесе. Бу бәйге укучылар үзидарәсен үстерү буенча тәҗрибә уртаклашуга, укучылар үзидарәсе белән эшләүдә мәктәпләрнең педагогик составының һөнәри осталыгы дәрәҗәсен күтәрүгә, яшьләр арасында укучылар үзидарәсе лидерлары турында уңай фикер формалаштыруга юнәлгән.
- "Дус сыйныф серләре" ата-аналар комитеты бәйгесе. Бәйге ата-аналар комитетының укучыларны тәрбияләүдә иң яхшы практикасын табу һәм популярлаштыру максатыннан үткәрелә. 

Бүген 1 нче декабрь –СПИДка каршы бөтендөнья көрәш көне. Профилактика йөзеннән бүген сыйныф җитәкчеләре “Нәрсә ул СПИД?”дигән темага тәрбия сәгатьләр уздырдылар

2016 елның 20 ноябрь көнне ил буенча II Географик диктант уздырылды. Шул уңайдан 29 нчы ноябрь көнне мәктәбебездә төрле классларга бүленеп Мифтахов Мәгъфүр Раифович тарафыннан географик диктант уздырылды.

29 нчы ноябрь көнне 9 нчы сыйныфлар өчен математика фәненнән диагностик тест үткәрелде.

Һәр дүшәмбе саен үткәрелә торган планеркада укытучыларыбыз алда торган бурычлар, эшлисе эшләр турында фикерләшәләр, планнар кабул итәләр. 28 нче ноябрь көнне укытучыларыбызны эвакуация планы белән таныштырып укулар оештырылды.

24 нче ноябрь көнне 6 нчы сыйныф укучылары физкультура укытучысы Валиев Рөстәм абыйлары белән очрашып укытучы һөнәре турында әнгәмә кордылар.