Яңа елның соңгы сәгатендә Әтәч кычкыру белән сары Эт елы киләчәк.Шушы куанычлы вакыйганы без зур әзерлек белән көтәбез. Кили башлангыч мәктәп-балалар бакчасы сезнең барыгызны да Яңа ел белән тәбрик итә. Куанычлы, тыныч, имин еллар килсен дип тели.

Кардан сыннар ясыйбыз. Мәктәбебез Яңа ел бәйрәменә әзерлекне сыннар эшләүдән башлады. Һәркем бу эшкә бик теләп катнашты.

Бүген бездә зур бәйрәм

55 тулган көнең.

Якты нур сибә җиһанга

Кояштай көләч йөзең.

Котлыйбыз, котлыйбыз

Сине юбилей белән.

Кайгыларга бирешмичә

Яшә син шатлык белән.

Юлларыңа синең бары

Алсу нурлар сибелсен.

Һәр яңа таң сиңа бары

Шатлык-бәхет китерсен.

Нәни кулларым белән мин

Тик сиңа, диеп кенә.

Әзерләдем бүләгемне

Бик зур көч куеп менә

Тәрбияче апаларыбыз шөгыльләрне бик эчтәлекле, күңелле итеп үткәрәләр.Бүген алар балаларда гаилә әгъзаларына ихтирамлы мөнәсәбәт, ярату , үзара хөрмәт хисләре тәрбияләү максатыннан шөгыль үткәрделәр.

Район күләмендә үткән "Яшел дулкын" конкурсында тәрбиячебез Шәйхетдинова Зөһрә Илгиз кызы катнашты. 1нче номерлы балалар бакчасында "Ялтра һәм күрен" шөгыле аша яктылык кайтарткыч беләзек, тасмалар тагып йөрүнең кирәклеген бик матур итеп аңлатты.

Күз ачып йомганчы, каникуллар үтеп тә китте. Алда иң кыска, әмма иң җаваплы чирекләрнең берсе. Бу чирек ахырына иң яраткан бәйрәмнәребезнең берсе - Яңа ел җитәчәк! Шуңа күрә бүгеннән үк җиң сызганып укырга керешик! 2 нче чиректә барыгызга да зу-у-ур уку теләге, бик күп "4"ле, "5"леләр телибез!