Һәр ел саен менә

Майның шушы көнендә,

Безнең матур бакчага

Мәктәптән хәбәр килә.

Безнең бакча балаларын

Укытучы апалары

Беренче сыйныфка дип

Укырга чакыралар!

Бүген менә аларны,

Бергә-бергә, әлбәттә,

Тантаналы рәвештә

Озатабыз мәктәпкә.

И рәхәт булды да соң бүген! Язгы табигатьнең яшел кочагында рәхәтләнеп ял иттек. Гөл,чәчәкләр өзмәдек без, Куаклар сындырмадык. Яшел табигать аланында Уйнадык та җырладык. Кояшка карап елмайдык, Җилләргә сәлам әйттек, Һәркем өйгә алып кайтты Бер кочак сәламәтлек.

Олы бәйрәм бүген бездә,

Зурлар инде үзебез.

 Башлангыч мәктәп белән

Хушлашабыз бүген без.

Бүген бездo зур бәйрәм. Балачакны озату, башлангыч мәктәп белән саубуллашу бәйрәме. 4 ел элек 6 укучыбызны мәктәп бусагасыннан каршы алган идек. Инде менә саубуллашыр вакыт та җиткән! Шушы 4 ел уку дәверендә без бер гаилә булып яшәдек, шатлыкларыбыз да, борчуларыбыз да уртак булды. Бүген бик ямансу, чөнки нәни бармакларыннан тотып, тәүге хәрефләрне язарга, Әлифбадан хәреф танырга өйрәткән карлыгачларыбызны очырабыз. Соңгы кыңгырау бәйрәме котлы булсын!

Кыңгырау да бүген никтер моңсу,

Салмак кына суза тавышын.

Ул да шулай кичерәдер

Дусларның китү сагышын. 

Ак юл сезгә, дүртенчеләр,

Телиләр дуслар.

Авырлыкны җиңү өчен

Табыгыз көчләр.

Бу көннәрдә һәр сыйныфта арадаш аттестация эшләре үткәрелә. Быел 1 сыйныф укучылары да бу эшне бик тырышып эшлиләр.

Яз җитте,яз җитте!

Сайрый яз кошлары

Кадерле безгә яз,

Без бит яз дуслары.