Бүген без “Муса Җәлил-халык улы”исемле кичәгә җыелдык. Дөнья әдәбияты тарихында иҗатлары белән исемнәрен мәңгелек данга күмгән күп шагыйрьләр бар. Ләкин, шагыйрь һәм герой Муса Җәлил кебек, әсәрләре белән генә түгел, бәлки үлеме белән дә исемен мәңгеләштергән шагыйрьләр аз. М.Җәлил иҗатына багышланган бу кичәдә укучыларыбыз белемнәрен сынадылар.

1 нче сыйныф укучылары «Әлифба бәйрәме»н үткәрделәр. Бәйрәмдә балалар биеделәр, җырладылар, шигырьләр сөйләделәр һәм әти-әниләргә үзләренең белемнәрен дә күрсәттеләр. Бәйрәм күңелле үтте.

Беренче китап син булдың,

Әлифба дус, хуш инде...

Юк ла, хуш димик, исән бул –

Син аерылмас дус инде!

Нинди рәхәт бүген һава -

Чаңгы шуарга була.

Чаңгы шуган бала гына

Һәрчак сәламәт була.

Физик тәрбия дәресләрендә укучылар мәктәп яны мәйданчыгында чаңгы шуып, сәламәтлекләрен ныгыталар, кышкы табигатьнең сихри матурлыгн да күзәтәләр.

Иң якын дустыбыз

Булдың син гел безнең

Һәр хәреф елмаеп

Әйтте үз исемен.

Бу көннәрдә укучылар бердәм рәвештә "Әлифба бәйрәме"нә әзерләнәләр.

Бүген балалар, үсешен күзәтү максатыннан, суган утырттылар. Алар суганның тишелеп чыкканын күзәтерләр,кыягының яшел төстә икәнен өйрәнерләр.

Балчык йомшартып

Утыртам суган,

Шытып, яшәреп

Чыгар әле ул.

Көн саен карап,

Мин сибәрмен су,

Яшел кыягын

Миңа сузар ул.

Табигать почмагында эш, күзәтүләр һәр ел фасылына туры килерлек итеп үткәрелә безнең балалар бакчасында.Кыш көне дә эшләр дәвам иттерелә.Гөлләргә бергәләп су сибәләр,яфракларының тузаннарын сөртәләр,календарь белән даими эшлиләр балаларыбыз.